Жорий йилнинг 6 май куни Тошкент вилоятида хотин-қизлар маънавиятини юксалтириш ва оилалар мустаҳкамлигини таъминлашда фаоллик кўрсатаётган отинойилар ўртасида «Энг намунали отинойи» кўрик-танлови бўлиб ўтди. Тадбирда вилоят ҳокимлиги ва Ўзбекистон мусулмонлари идораси вакиллари иштирок этиб, отинойиларнинг жамият барқарорлигидаги ўрнини алоҳида эътироф этдилар.

Ҳакамлар ҳайъати иштирокчиларнинг фаолияти, билим даражаси ва маҳаллалардаги ижтимоий-маънавий муҳитни соғломлаштиришга қўшган ҳиссасини баҳолаб борди. 

Якуний натижаларга кўра, кўрик-танловнинг 1-ўринига Янгийўл тумани отинойиси Ҳанифахон Нишонова, 2-ўринига Паркент тумани отинойиси Махсума Ғанихонова ҳамда 3-ўринига Зангиота тумани вакиласи Дилбар Ҳамдамова муносиб деб топилди.

Ғолибларга ташаккурнома ва қимматбаҳо эсдалик совғалари топширилди.

Маърифат йўлида хизмат қилаётган барча отинойиларимизга келгуси фаолиятларида зафарлар тилаймиз.

Ўзбекистон мусулмонлари идораси

Тошкент вилояти вакиллиги

Матбуот хизмати