“Жаннат мевалари ила таомлантирур...”
Муборак рамазони шариф файзидан кун сайин кўнгиллар обод бўлиб бормоқда. Хусусан, Бухоро вилояти имом-хатиб ва ноиблари томонидан эҳтиёжманд оилалар ҳолидан хабар олиш, уларга моддий-маънавий кўмак бериш ишлари ортиб бормоқда.
Абу Саъид розияллоҳу анҳудан ривоят қилинади: «Набий соллаллоҳу алайҳи васаллам: “Қайси бир мусулмон кийими йўқ мусулмонга кийим кийдирса, Аллоҳ унга жаннатнинг яхши кийимларидан кийгизади. Қайси бир мусулмон қорни оч мусулмонга таом берса, Аллоҳ уни жаннат мевалари ила таомлантирур”, дедилар».
Ўзбекистон мусулмонлари идораси
Матбуот хизмати
Ким жума куни "Духон" сурасини ўқиса
Расулуллоҳ соллаллоҳу алайҳи васаллам: «Ким жума кечаси "Ҳо мим" – "Духон"ни қироат қилса, мағфират қилинади», дедилар.
Расулуллоҳ соллаллоҳу алайҳи васаллам айтдилар: «Ким жума кечаси "Ҳо мим" – "Духон" сурасини ўқиса, етмиш минг фаришта тонггача унинг ҳаққига истиғфор айтиб чиқади».
Расулуллоҳ соллаллоҳу алайҳи васаллам: «Ким жума кечаси ёки жума куни "Ҳо мим" – "Духон"ни қироат қилса, Аллоҳ унга жаннатда бир уй бино қилади», дедилар.