Сайт тест ҳолатида ишламоқда!
22 Июл, 2025   |   27 Муҳаррам, 1447

Тошкент шаҳри
Бомдод
03:31
Қуёш
05:09
Пешин
12:35
Аср
17:37
Шом
19:54
Хуфтон
21:24
Bismillah
22 Июл, 2025, 27 Муҳаррам, 1447
Мақолалар

Илмий-маърифий меросга бўлган эътиборнинг ёрқин намунаси

15.03.2025   11234   2 min.
Илмий-маърифий меросга бўлган эътиборнинг ёрқин намунаси

Имом Абу Мансур Мотуридий таваллудининг 1155 йиллигини нишонлашга оид Ўзбекистон Республикаси Президентининг Қарори юртимизда илмий-маърифий меросга, хусусан, исломий илмларнинг ривожига улкан ҳисса қўшган алломаларга бўлган эътиборнинг ёрқин намунасидир. Бу қарор нафақат Имом Мотуридий ибратли ҳаёт йўли ва мотуридийлик таълимотини кенг ёйиш, балки диний бағрикенглик, мўътадиллик ва маърифатга асосланган жамиятни шакллантиришда улкан аҳамият касб этади.

Қарор чора-тадбирлар дастурида назарда тутилган амалий ишлар доирасида алломанинг туғилиб, ижод қилган ва мангу қўним топган Самарқандда ўтказиладиган “Мотуридийлик – бағрикенглик, мўътадиллик ва маърифат таълимоти” мавзусидаги халқаро ҳамда “Мотуридийлик таълимоти ва ҳозирги замон” мавзусидаги республика илмий-амалий конференцияси, илмий мақолалар танлови, алломанинг нодир қўлёзма ва нашр нусхалари, китоблари кўргазмаси, Абу Мансур Мотуридий мажмуасини қайта таъмирлаш ва ободонлаштириш Давлатимиз раҳбарининг буюк алломаларга муносиб эътибор қаратаётгани, Ислом цивилизациясининг жаҳон илм-фанидаги ўрнини янада мустаҳкамлашга интилаётганини яққол намоён этади.

Шунингдек, хорижлик тадқиқотчилар ўртасида мотуридийлик таълимоти бўйича, имом-хатиблар ҳамда диний таълим муассасалари талабалари ўртасида “Мотуридийлик таълимоти билимдони” танловини ўтказиш, маданий-маърифий учрашув ва семинар-тренинглар, давра суҳбатлари ташкил этиш, юбилейга бағишланган эсдалик сувенирларини муомалага чиқариш, хорижий мамлакатларда сақланаётган ноёб қўлёзма асарлар ва бошқа маданий бойликларнинг нусхаларини Ўзбекистонга олиб келиш, бадиий-публицистик фильм, медиамаҳсулотлар, аудиовизуал асарлар яратиш, уларни маҳаллий ва хорижий оммавий ахборот воситаларида эълон қилиш, интернет тармоғи ва ижтимоий тармоқларда кенг тарғиб қилиш Имом Мотуридийнинг бой илмий меросини чуқур ўрганиш ва унинг таълимотини кенг оммага етказишда муҳим қадам бўлади, албатта.

Айниқса, Имом Мотуридийнинг “Таъвилот ал-Қуръон” ва “Китоб ат-тавҳид” асарлари ва мотуридийлик таълимотига оид манбаларнинг ўзбек ва хорижий тиллардаги илмий-изоҳли академик таржималарини нашр этиш, олимнинг меросига оид илмий-тадқиқотларни қўллаб-қувватлаш келажак авлод учун катта манба бўлиб хизмат қилади, инша Аллоҳ.

Мотуридийлик таълимотининг асосий тамойилларидан ҳисобланган мўътадиллик ва бағрикенглик бугунги дунё тинчлиги, бирдамлигини таъминлашда жуда муҳим. Шу нуқтаи назардан, мазкур қарор халқаро майдонда ҳам Ўзбекистоннинг маърифат ва илмга бўлган эътиборини, диний бағрикенглик ва ҳамжиҳатликни тарғиб этишга қаратилган саъй-ҳаракатларини янада кучайтиради.

Хулоса қилиб айтганда, Қарор Имом Мотуридий меросини асраб-авайлаш ва унинг таълимотини кенг тарғиб қилиш, шу билан бирга, ёшларни Ватанга муҳаббат руҳида тарбиялаш ҳамда миллий ва умуминсоний қадриятларни мустаҳкамлашга улкан ҳисса қўшади.

Муҳаммадолим Муҳаммадсиддиқов,

Ўзбекистон мусулмонлари идораси раиси ўринбосари,

профессор

МАҚОЛА
Бошқа мақолалар
Янгиликлар

Сирдарёда “Маънавият карвони” 120 хонадонда бўлди

15.07.2025   11928   1 min.
Сирдарёда “Маънавият карвони” 120 хонадонда бўлди

Бугун, 15 июль куни имом-хатиблар фаолиятини янада самарали ташкил қилиш бўйича Сирдарё вилояти Ховос туманида навбатдаги амалий тадбир ўтказилди. Намунавий-амалий тадбир йиғилиши мазкур тумандаги "Ховос" жоме масжидида бўлиб ўтди.
 

Мазкур тадбирда Сирдарё вилояти бош имом-хатиби Ҳабибуллоҳ домла Зокиров йиғилишга бошчилик қилди. Шунингдек, вакиллик ходимлари, туман, шаҳар бош имом-хатиблари ҳамда отинойилар, маҳаллалардаги “Ҳаж – 2025” зиёратчилари маънавий-маърифий тадбирларга жалб этилди.
 

Ишчи гуруҳ аъзолари томонидан ҳудуддаги 20 та маҳалладаги 120 та хонадон ҳолидан хабар олинди. Жумладан, ногиронлиги бор хонадонлар, нотинч оилалар ва ижтимоий ҳимояга муҳтож оилалар қамраб олинди.

Сирдарё вилояти вакиллиги
Матбуот хизмати

Сирдарёда “Маънавият карвони” 120 хонадонда бўлди Сирдарёда “Маънавият карвони” 120 хонадонда бўлди Сирдарёда “Маънавият карвони” 120 хонадонда бўлди Сирдарёда “Маънавият карвони” 120 хонадонда бўлди Сирдарёда “Маънавият карвони” 120 хонадонда бўлди Сирдарёда “Маънавият карвони” 120 хонадонда бўлди Сирдарёда “Маънавият карвони” 120 хонадонда бўлди
Ўзбекистон янгиликлари