Туркиядан муносабат: Ўзбекистон Имом Мотуридий таълимотига катта эътибор қаратмоқда
Анқара университети профессори, мотуридийшунос олим Сўнмез Кутл (Туркия) "Дунё" АА учун интервьюсида Ўзбекистон Президентининг 2025 йил 14 мартдаги "Имом Мотуридий таваллудининг 1155 йиллигини кенг нишонлаш тўғрисида"ги қарори ҳақидаги фикрларини билдирди:
– Бугун жуда ҳам қувончли хабар эшитдим. Ўзбекистон Президенти Шавкат Мирзиёев "Имом Мотуридий таваллудининг 1155 йиллигини кенг нишонлаш тўғрисида" қарор қабул қилгани, шу муносабат билан кўплаб илмий-маданий тадбирлар, жумладан, "Мотуридийлик – бағрикенглик, мўътадиллик ва маърифат таълимоти" мавзусида халқаро анжуман ўтказилиши мени бағоят мамнун қилди.
Президент Шавкат Мирзиёев ханафий-мотуридий таълимоти атрофида бирлашган туркий давлатлар етакчилари орасида Имом Мотуридий ва мотуридийлик таълимотига энг катта эътибор қаратиб келаётган давлат раҳбари сифатида алоҳида ажралиб турибди. Бунинг учун мен мамлакатингиз раҳбарига самимий миннатдорлик билдираман.
Имом Мотуридий Аллоҳ таоло томонидан инсониятга берилган энг улуғ инъом, бебаҳо туҳфадир. Зотан, у бағрикенглик ва мўътадилликка асосланган қарашлари, маърифий ғоялари билан нафақат ислом цивилизациясига, балки умумбашарий тамаддунга бебаҳо ҳисса қўшган буюк алломадир. Унинг тафаккури марказида инсон эрки, ақл ва илм туради.
Аллоҳ таоло инсонни энг гўзал суратда яратган. Инсон ҳурмат ва эҳтиромга лойиқ мавжудотдир. Барча инсонлар Одам Атонинг фарзандлари бўлгани сабабли, инсонийлик жиҳатидан ўзаро биродар ҳисобланадилар. Улар орасидаги мусулмонлар динда ҳам биродардирлар. Инсонларнинг ўзаро устунлиги ахлоқий фазилатлар, таълим-тарбия билангина ўлчанади.
Президент Шавкат Мирзиёевнинг Имом Мотуридий таваллудини кенг нишонлаш ҳақидаги қарори алломаларга юксак эҳтиром ифодаси ўлароқ ёш авлодни мутаассиб оқимлар таъсирига тушиб қолишининг олдини олишга ҳам хизмат қилади. Зеро, X асрда мўътадил таълимотни инсониятга тарғиб қилган Имом Мотуридийни хотирлаш орқали бугун жамиятда ҳар қачонгидан ҳам кўпроқ эҳтиёж сезилаётган тинчлик, бағрикенглик, мўътадиллик маданиятини таъминлаш сари муҳим қадам қўйилади.
Умрининг катта қисмини Имом Мотуридий ҳаёти ва илмий меросини ўрганишга бағишлаган бир инсон сифатида мен бу борада ҳар қандай вазифага ҳисса қўшишни шараф, деб биламан.
"Дунё" АА
Қабул жараёни бўйича маълумот олиш учун телефон ва интернет саҳифалари
#xabar #qabul #qayta_aloqa
Ўзбекистон мусулмонлари идораси тасарруфидаги олий ва ўрта махсус диний таълим муассасаларининг 2025-2026 ўқув йили қабул жараёнлари ҳақида қуйидаги телефон рақам, интернет ва ижтимоий тармоқ саҳифалари орқали маълумот олишингиз мумкин:
ОЛИЙ ТАЪЛИМ МУАССАСАЛАРИ:
1. Имом Бухорий номидаги Тошкент Ислом институти
+998712400115
oliymahad.uz // @oliymahad (https://t.me/oliymahad)
2. Мир Араб олий мадрасаси
+998913129404
mirarab.uz // @Mirarabuz (https://t.me/Mirarabuz)
3. Ҳадис илми мактаби
+998662402051
muhaddis.uz // @muhaddisuz (https://t.me/muhaddisuz)
4. Имом Термизий номидаги ислом институти
+998554510596
imomtermiziy.uz // @termiziylar_uz (https://t.me/termiziylar_uz)
ЎРТА МАХСУС ИСЛОМ ТАЪЛИМ МУАССАСАЛАРИ:
1. “Кўкалдош” ўрта махсус ислом таълим муассасаси
+998712444827
kukaldosh.uz // @kukaldoshuz (https://t.me/kukaldoshuz)
2. “Хадичаи Кубро” аёл-қизлар ўрта махсус ислом таълим муассасаси
+998712484752, +998941044752
xadicha.uz // @xadichauz (https://t.me/xadichauz)
3. “Саййид Муҳйиддин махдум” ўрта махсус ислом таълим муассасаси
+998507086870
maxdum.uz // @maxdumuz (https://t.me/maxdumuz)
4. “Ҳидоя” ўрта махсус ислом таълим муассасаси
+998885726006
hidoya.uz // @hidoyauz (https://t.me/hidoyauz)
5. “Хожа Бухорий” ўрта махсус ислом таълим муассасаси
+998755427425
xojabuxoriy.uz // @Xojabuxoriy (https://t.me/Xojabuxoriy)
6. “Мир Араб” ўрта махсус ислом таълим муассасаси
+998954204597
mirarabmadrasa.uz // @mirarabmadrasa (https://t.me/mirarabmadrasa)
7. “Жўйбори Калон” аёл-қизлар ўрта махсус ислом таълим муассасаси
+998652217744
juyborikalon.uz // @juyborikalon (https://t.me/juyborikalon)
8. “Фахриддин ар-Розий” ўрта махсус ислом таълим муассасаси
+998556022444
arroziy.uz // @arroziyuz (https://t.me/arroziyuz)
9. “Муҳаммад ал-Беруний” ўрта махсус ислом таълим муассасаси
+998551015512
alberuniy.uz // @alberuniyuz (https://t.me/alberuniyuz)
10. “Имом Термизий” ўрта махсус ислом таълим муассасаси
+998554510596
imomtermiziy.uz // @termiziylar_uz (https://t.me/termiziylar_uz)
2025-2026 ўқув йили қабул жараёнлари ҳақидаги сўнгги янгиликларни @qabulmuslimuz (https://t.me/qabulmuslimuz) телеграм саҳифасида кузатиб боринг!
Ўзбекистон мусулмонлари идораси
Матбуот хизмати