Рамазон шукуҳи
Вақф” хайрия жамоат фондининг Самарқанд вилояти филиали ҳамда филиал тасарруфидаги “Шоҳи Зинда” зиёратгоҳи мутасаддилари ҳамкорлигида хайрия тадбири ташкил этилди.
Саховатпеша, жўмард ҳомийларни жалб қилган ҳолда ўтказилган тадбир давомида Самарқанд шаҳрида истиқомат қилувчи, моддий ёрдамга жуда муҳтож, бемори бор 40 та оилага озиқ-овқат маҳсулотлари хайрия сифатида берилди.
Бундан ташқари, моддий томондан қийналган бир қанча оилаларга ҳомийлар томонидан пул маблағлари ҳам хайрия сифатида топширилди.
Ўзбекистон мусулмонлари идораси
Матбуот хизмати
Намозим бузилдими?
Савол: Масжиддаги жамоатда баъзан олдинги сафдаги одамнинг кийими калта бўлгани учун саждада орқаси қисман очилиб қолади ва бехосдан унга кўзимиз тушиб қолади. Шу ҳолатда таҳорат ёки намозимиз бузилмайдими?
Жавоб: Бисмиллаҳир Роҳманир Роҳийм. Уламолар таҳорат ва намозни бузувчи омилларни бирма-бир санаганлар. Улар ичида бировнинг авратига кўз тушиб қолиш сабабли бузилади, деган гап йўқ. Бировнинг, хоҳ аёлнинг, хоҳ эркакнинг авратига қараш сабабли бавл ёки бирор суюқлик чиқмаса, таҳорат синмайди. Аммо бу дегани қараш, назар солиш мумкин экан, деб тушунмаслик керак. Чунки бундай ишлар асло мумкин эмас.
Бир нарсани ёдда тутиш лозимки, намоз ўқиш учун тайёрланаётган инсон намоз ўқиш асносида авратлари очилиб қолмаслигининг чорасини кўриши керак бўлади. Чунки бир рукн (фарз амали) миқдорича авратининг тўртдан бири очилиб турса, унинг намози бузилади. Валлоҳу аълам.
Ўзбекистон мусулмонлари идораси
Фатво маркази