24 Май, 2025, 26 Зулқаъда, 1446
24 Май, 2025, 26 Зулқаъда, 1446
Шу йил 20-26 март кунлари Иордания Ҳошимийлар подшоҳлигида 20-халқаро Қуръон тиловати ва ёдлаш мусобақаси бўлиб ўтади.
Мазкур мусобақада Ўзбекистон мусулмонлари идораси ҳузуридаги Имом Фахриддин ар-Розий ўрта махсус ислом билим юртининг 2-курс талабаси Муҳаммадамин қори Аҳмадҳўжаев Ватанимиз шаънини ҳимоя қилади.
Маълумот ўрнида ушбу мусобақа Иорданиянинг Исломий ишлар ва зиёратгоҳлар вазирлиги томонидан ташкил этилган. Бундан кўзланган мақсад ёш авлодни Қуръони карим кўрсатмаларига амал қилишга ўргатиш саналади. Мусобақа подшоҳ Абдуллоҳ II нинг бевосита ҳомийлиги остида ўтказилмоқда.
Аллоҳ таоло ҳамюртимиз Муҳаммадамин қорига муваффақият ва зафар ато этсин!
Ўзбекистон мусулмонлари идораси
Матбуот хизмати
16 май куни “Ҳаж – 2025” мавсумининг илк гуруҳ зиёратчилари Маккаи мукаррамага замонавий автобусларда етиб келди. Уларни Дин ишлари бўйича қўмита, Ўзбекистон мусулмонлари идораси мутасаддилари, мамлакатимизнинг Саудиядаги Атташеси ва ишчи гуруҳи томонидан тантанали равишда катта эҳтиром билан кутиб олинди.
Ҳамюртларимиз муҳташам “Al-Ayam Elite” ва "Romance room" меҳмонхоналарига киришлари биланоқ илиқ қарши олиниб, зам-зам сувлари, хурмо, ширинликлар, гуллар ва ҳадялар улашилиб икром қилинди.
Мана шундай илтифотлардан кўнгиллари кўтарилган юртдошларимиз Аллоҳ таолога чексиз шукроналар айтиб, уларга бўлган катта эътиборни нафақат мамлакатимизда, балки олис Макка шаҳрида ҳам чин дилдан ҳис этишди.
Замонавий меҳмонхонада хоналари тайин бўлган зиёратчиларимиз бу ерга диёримиздан уларга хизмат кўрсатиш учун бирмунча олдинроқ етиб келиб, моҳир ошпазларимиз пиширган лаззатли таомларидан баҳраманд бўлдилар.
Таматтуъ ҳажини ният қилган зиёратчиларимиз умра амалини адо этмоқдалар.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 