22 Август, 2026, 9 Рабиъул аввал, 1448
22 Август, 2026, 9 Рабиъул аввал, 1448
Энг улуғ ғоямиз: Жаҳолатга қарши — маърифат"
Ўзбекистон Республикаси Дин ишлари бўйича қўмита, Чилонзор туман ҳокимлиги ҳамда Маърифий тарғибот маркази ҳамкорлигида Учтепа туманида Ўзбекистон мусулмонлари идораси раисининг биринчи ўринбосари Устоз Ҳомиджон домла Ишматбеков иштирокида Чилонзор туманидаги 164- мактаб фаоллар залида "Жаҳолатга қарши маърифат" ва "Рамазон ойи фазилатлари" мавзусида маънавий-маърифий тадбир ўтказилди.
Учрашув давомида ёшларни камолотида илм олишнинг муҳимлиги мавзусида шунингдек, ёшларни жамиятга зид бўлган ёт ғоялардан асраш, турли экстремистик гуруҳлар таъсирига тушиб қолишига йўл қўймаслик ҳақида тўхталиб ўтилди.
Мазмунли маъруза давомида фарзандларни соғлом эътиқодли ва билимли қилиб тарбиялашда ҳар бир ота-онанинг ўрни муҳимлиги борасида фикр-мулоҳазалар билдирилди.
Тадбир сўнгида, ижтимоий, ақидавий масалаларга доир берилган саволларга атрофлича жавоблар берилди.
https://t.me/marifiymarkaz/6410
Ўзбекистон Республикаси давлат мустақиллигининг 35 йиллиги муносабати билан Сирдарё вилоятида фаолият юритаётган имом-хатиб ва имом-ноиблар ўртасида “Қуръон тинчликка буюради” шиори остида “Заковат” интеллектуал мусобақаси ўтказилди.
Беллашувдан кўзланган асосий мақсад — диний соҳа ходимларининг илмий-маърифий ва ҳуқуқий билимларини мустаҳкамлаш, улар ўртасида ўзаро ҳамжиҳатликни янада оширишдан иборат.
Мусобақада шаҳар ва туманлардан жамланган жамоалар Қуръони карим, ҳадиси шарифлар, ислом тарихи, миллий қадриятлар ва мамлакатимиз қонунчилигига оид саволлар бўйича ўз билим ва тезкор фикрлаш қобилиятларини намоён этдилар.
Якуний натижаларга кўра:
1-ўрин — “Тафаккур” жамоаси
2-ўрин — “Иттифоқ” жамоаси
3-ўрин — “Ҳикмат” жамоаси
Ғолиблар Ўзбекистон мусулмонлари идораси Сирдарё вилояти вакиллигининг махсус диплом ва эсдалик совғалари билан тақдирланди.
Сирдарё вилояти вакиллиги
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 