08 Май, 2025, 10 Зулқаъда, 1446
08 Май, 2025, 10 Зулқаъда, 1446
Саудия Арабистонининг "Swift News" электрон нашрида "Ўзбекистон мусулмонлари идораси раиси, муфтий барча мусулмонларни Рамазон ҳайити байрами билан табриклади" сарлавҳали мақола эълон қилинди, деб хабар қилмоқда "Дунё" АА мухбири.
"Ўзбекистон мусулмонлари идораси раиси, муфтий шайх Нуриддин Холиқназаров Рамазон ҳайити муносабати билан бутун дунё мусулмонларга табрик йўллади", – дейилган нашрда.
Табрикда Яратган барча мўмин ва мусулмонларнинг муқаддас Рамазон ойида тутган рўзасини қабул қилиши, гуноҳларидан халос бўлишларини сўраб дуолар қилингани қайд этилган.
"Барчамизни Рамазон ҳайитига эсон-омон етказган, юртимизни тинчлик-хотиржамликда сақлаётган Худога беҳисоб шукроналар бўлсин. Рамазон ҳайити байрамингиз муборак бўлсин", – дея Ўзбекистон мусулмонлари идораси раиси сўзларидан иқтибос келтирилган мақолада.
Ўзбекистон мусулмонлари идораси
Матбуот хизмати
Расулуллоҳ соллаллоҳу алайҳи васаллам: "Тонг отганида:
اللهُمَّ إِنِّي أَصْبَحْتُ مِنْكَ فِي نِعْمَةٍ وَعَافِيَةٍ وَسِتْرٍ فَأتِمَّ نِعْمَتَكَ عَلَيَّ وَعَافِيَتَكَ وَسَتْرَكَ فِي الدُّنْيَا وَالآخِرَةِ
"Аллоҳумма инний асбаҳту минка фий ниъматин ва ъафиятин ва ситрин фаатимма ниъматака ъалайя ва ъафиятака ва сатрока фиддуня вал ахироҳ", деб уч марта ва кечқурун уч марта айтган кишига Аллоҳ шу дуода келганидек, ҳаммасини мукаммал қилиб беради", дедилар (Ибн Сунний ривояти).
Маъноси: Аллоҳим, Сенинг неъматингда, офиятингда, айблар ёпилган ҳолда тонг оттирдим. Мени дунёю охиратда неъматда, офиятда, айблар ёпилган ҳолатда бўлишимни мукаммал қил.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 