12 Июл, 2025, 17 Муҳаррам, 1447
12 Июл, 2025, 17 Муҳаррам, 1447
Шу йил 15 апрель куни Нукус шаҳри “Муҳаммад ибн Аҳмад ал-Беруний” ўрта махсус ислом билим юртининг ёзги спорт майдонида мини-футбол бўйича "Қозиёт кубоги" финал ўйини бўлиб ўтди.
Жамоалар ўртасида бўлиб ўтган финал ўйини уюшқоқлик билан қизғин ўтди. Унда Нукус шаҳри "Муҳаммад ибн Аҳмад ал-Беруний" ўрта махсус ислом билим юртининг "Дўстлик" жамоаси 1-ўрин соҳиби бўлди.
Тахтакўпир ва Қораўзак туманларидан тузилган "Даўқара" жамоаси 2-ўрин, Нукус шаҳри диний хизматчиларидан тузилган "Орол" жамоаси 3-ўрин ғолиби бўлди.
Маълумот ўрнида мазкур мусобақа давомида Қорақалпоғистон мусулмонлари қозиётига қарашли республикадаги масжидлар имом-хатиблари, имом-ноиблари ва масжид ходимлари, билим юрти ўқитувчилари ва ходимларидан иборат 12 жамоа иштирок этди.
Мусобақада ғолиб бўлган жамоалар ва яхши ўйин кўрсатган футболчиларга Қорақалпоғистон Республикаси Вазирлар Кенгаши, Қорақалпоғистон мусулмонлари қозиёти ва "Вақф" хайрия жамоат фонди томонидан эсдалик совғалари топширилди.
Якунда Қорақалпоғистон Республикаси Вазирлар Кенгаши раиси ўринбосари Р.Нуразизов ва Қорақалпоғистон мусулмонлари қозиёти қозиси Б.Разовлар мусобақа иштирокчиларини ғалабалари билан табриклаб, келгуси ишларида муваффақиятлар тилади.
Ўзбекистон мусулмонлари идораси
Қорақалпоғистон мусулмонлари қозиёти
Матбуот хизмати
Савол: Исломда янги кун қайси соатдан бошлаб киради? Масалан, шартли қабул қилинган тартиб бўйича соат 00:00 янги куннинг бошланиши саналади? Исломда янги куннинг бошланиши ва тугаши қайси вақтдан эътиборга олинади?
Жавоб: Бисмиллаҳир Роҳманир Роҳийм. Динимизга кўра, кун шом вақтидан бошланади ва кейинги шомгача давом этади. Бошқача қилиб айтганда, исломда кун кеча билан бошланади ва унинг эртасида кун ботиб, кундуз тугаганида, ўша кун ҳам якунланади. Бунга оят ва ҳадислардан кўплаб далиллар бор.
Фақат айрим аҳкомларда куннинг бошланиши бомдод намозининг вақти кириши (субҳи содиқ)дан бошланади ва кун кейинги бомдод вақтигача давом этади. Масалан, Ҳажда Арафот водийсида туришда ҳукм шундай.
Шунингдек, айрим ҳолларда “кун” тушунчаси юқоридагидек, 24 соатдан иборат (сутка) маъносида эмас, балки тунга муқобил – қарама-қарши маънода қўлланилиши ҳам мумкин. Бу ҳолда кун бошланиши бомдод вақтидан то қуёш ботгунигача бўлган муддат, яъни кундуздан иборат бўлади. Бунга мисол учун “бир кун рўза тутиш” деганда айнан шу муддат назарда тутилади.
Хулоса қилиб айтганда, динимиздаги умумий қоидага кўра, куннинг бошланиши кун ботганидан бошланиб, кейинги кун ботишигача давом этади. Айрим истисно қилинган ҳолатларда куннинг қачон бошланиб, қачон тугаши диндаги ҳукмларга қараб фарқ қилади. Валлоҳу аълам.
Ўзбекистон мусулмонлари идораси
Фатво маркази.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 