27 Декабр, 2025, 7 Ражаб, 1447
27 Декабр, 2025, 7 Ражаб, 1447
Ўзбекистон мусулмонлари идораси жамоаси Котибият масъул ходими Муҳаммадамин қори Холиқовнинг падари бузруквори вафоти муносабати билан у кишининг яқинларига чуқур таъзия изҳор этади.
Охират сафарига кузатилган отахон эл корига ярайдиган, дину диёнат йўлида хизмат қиладиган фарзанд ва невараларни ўстирдилар, чиройли тарбия қилдилар.
Аллоҳ таоло марҳум отахоннинг барча солиҳ амалларини ўзларига ҳамроҳ айлаб, Ўз мағфиратига олсин. Ҳақ таоло марҳум отахоннинг яқинлари, фарзанду аржумандларига чиройли сабр бериб, бу мусибатларига ажру мукофотлар ато этсин.
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан Муҳаммадамин қори Холиқовга, у кишининг оила аъзолари, ёр-биродарлари, яқинларига ҳамдардлик билдирамиз.
Иннаа лиллааҳи ва иннаа илайҳи рожиъуун.
«Мусибат етганда «Албатта, биз Аллоҳникимиз ва албатта, биз Унга қайтувчимиз», деган сабрлиларга хушхабар беринг».
Ўзбекистон мусулмонлари идораси
Наманганда «Инсон қадри» китоби тақдимоти ва соҳа ходимларини тақдирлаш маросими бўлиб ўтди.
Наманган шаҳридаги тақдимот маросимида Мусохон домла Аббосиддинов ва бошқа мутасаддилар иштирок этиб, Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг янги асари мазмун-моҳиятини таҳлил қилдилар. Сўзга чиққанлар китоб жамиятда меҳр-оқибат ва одоб-ахлоқ туйғуларини мустаҳкамлашда муҳим дастуриламал бўлишини таъкидладилар.
Шунингдек, тадбир доирасида вилоят ва туман бош имом-хатиблари учун янги дизайндаги махсус либослар тақдим этилди.
Тадбир якунида йил давомида энг фаол бўлган имом-хатиб ва отинойиларга ташаккурномалар топширилди.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 