01 Октябр, 2026, 20 Рабиъус сони, 1448
01 Октябр, 2026, 20 Рабиъус сони, 1448
Савол: Бировнинг телефони ва ундаги маълумотларни рухсатсиз кўриш мумкинми? Чунки баъзан автобус, метро каби оммавий транспорт воситаларида айрим шахсларнинг шундай ишлар қилаётганига гувоҳ бўлиб қоламиз?
Жавоб: Бисмиллаҳир Роҳманир Роҳийм. Йўқ, бировнинг телефонидан унинг рухсатисиз фойдаланиш ёки ундаги маълумотларни ўқиш шаръан тўғри эмас. Бу бировнинг уйига рухсатсиз мўралаш, хатига рухсатсиз қараш кабидир. Зеро, бу ишлар Қуръон ва ҳадисларда ман этилган.
Аммо агар мураббий (ота, устоз ва ҳоказо) қўл остида тарбияланаётган шахснинг тўғри йўлдан оғишидан шубҳа қилса, у ҳолда тарбия мақсадида ўз қўл остидаги шахснинг телефонини текширишига рухсат берилади. Балки улар вақти-вақти билан болалар ва уларга тегишли нарсаларни назорат қилиб туришлари керак, токи улар тўғри йўлдан оғмасинлар. Валлоҳу аълам.
Ўзбекистон мусулмонлари идораси
Фатво маркази
1 октябрь – Ўқитувчи ва мураббийлар куни муносабати билан Ўзбекистон мусулмонлари идораси томонидан динимиз ривожи, Ватанимиз тараққиёти ва халқимиз фаровонлигига беқиёс ҳисса қўшган 85 нафар нуроний устозлар, меҳнат фахрийлари йўқланди.
Ушбу хайрли тадбир доирасида тизимда кўп йиллар фаолият юритиб, бугунги кунда марҳум бўлган уламоларнинг яқинлари ҳолидан хабар олинди.
Шунингдек, бугунги кунда Диний идора тизимида фаолият юритаётган устозлар ҳам эътибордан четда қолмади.
Табрикномалар, ҳадялар, муҳими, мазкур эътибор ва эҳтиромдан беҳад шод бўлган кексалар ўзлари меҳнат қилган пайтдаги хотиралар ҳамда бугунги имкониятлар даври ҳақида тўлқинланиб сўзлашди, юртимиз тинчлиги ва халқимиз омонлигини сўраб хайрли дуолар қилишди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 