Сайт тест ҳолатида ишламоқда!
23 Ноябр, 2026   |   13 Жумадул сони, 1448

Тошкент шаҳри
Бомдод
05:57
Қуёш
07:15
Пешин
12:15
Аср
15:17
Шом
17:01
Хуфтон
18:17
Bismillah
23 Ноябр, 2026, 13 Жумадул сони, 1448

Вақт ўғриси

29.02.2024   4482   2 min.
Вақт ўғриси

Бирор кимнинг зиёратига бормоқчи бўлсангиз, зиёратга муносиб вақт танланг ҳамда кўп ўтириб қолманг. Енгил ўтириб қайтиш пайида бўлинг. Чунки мезбоннинг шахсий ишлари, вазифалари бўлиши мумкин, сизга айтишдан ҳижолат бўлиб турган бўлиши мумкин. Ана шундай ҳолатда унинг олдида узоқ қолиб кетишингиз унга оғирлик бўлади.

Шайх Алий Тантовий раҳимаҳуллоҳ айтади: “Эрта тонгдан уйғониб ишга отланадиган одам қолганларни ҳам ўзига ўхшатади. Битта одам бир куни тонгги олтида эшигимни тақиллатди, нима бўлди экан деб ўрнимдан туриб қарасам, мени кўргани келган эканлар. Менга қараб: “Безовта қилмадимми, кеттик бирга кетамиз!” дейди! Худди одам уйқудан уйғонгач, тўшагидан сакраб туриб тўғри кўчага чиқиб кетадигандек. Бу барака топкур ўйламайдики, одам деган ўрнидан тургач мундоқ ювинади, нонушта қилади, кийинади. Мен уйғонгач шуларни қилмасам қийналаман.

Яна баъзи одамлар ўзи кеч ухлагани учун бошқаларни ҳам шундай деб ўйлайди. Шунақалардан биттаси бир куни тунги соат ўнда эшигимни тақиллатибди. Уйқимни ташлаб у билан туннинг яримигача ўтириб чиқдим. Куни бўйи ишлаб чарчаган уй бекасини ҳам уйғотиб олдим, жаноби олийларига кофе, чой дамлаб бериш учун, эҳтимол оғирлик қилмаса кечки овқат ҳам қилиб берар дедим.

Яна баъзилар мен ишга ёки бирор учрашувга кетган пайтим тўсатдан келиб қолади-да, у билан ўтиришим учун ортимга қайтаради.

Ҳой биродарлар! Бунақада вақтнинг қадрини қачон биламиз? Қачон тушуниб етамиз битта одамнинг бир соат вақтини ўғирласак, чўнтагидан бир динор ўғирлагандек бўлишимизни?

Қачон Қуръоний одоблар билан хулқланамиз?! Ахир Аллоҳ таоло Қуръони каримда: “Ўз уйларингиздан бошқа уйларга то изн сўрамагунингизча кирманг” (Нур сураси, 27-оят), деган-ку.

Кейинги оятда эса: “Агар сизга қайтинг, дейилса, бас, қайтинг, ўша сиз учун покдир. Аллоҳ нима амал қилаётганингизни ўта билувчидир” (Нур сураси, 28-оят) деб марҳамат қилган”.

Доктор Ҳассон Шамси Пошонинг "Метин қоялар" китобидан

Ғиёсиддин Ҳабибуллоҳ, Неъматуллоҳ Исомов таржимаси.

 

Мақолалар
Бошқа мақолалар
Янгиликлар

Буюк Британиянинг “Woolf Institute” делегацияси Ўзбекистондаги миллатлараро ва динлараро тотувлик тажрибасини ўрганди

20.11.2026   64340   2 min.
Буюк Британиянинг “Woolf Institute” делегацияси Ўзбекистондаги миллатлараро ва динлараро тотувлик тажрибасини ўрганди

Буюк Британиянинг “Woolf Institute” ва Кембридж университети делегацияси Тошкент, Самарқанд ва Бухоро шаҳарларида бўлиб, Ўзбекистоннинг динлараро тотувлик ва виждон эркинлигини таъминлаш борасидаги тажрибаси билан танишди, деб хабар бермоқда “Дунё” АА.

Ўзбекистоннинг Буюк Британиядаги элчихонаси маълумотларига кўра, Тошкент шаҳрида Дин ишлари бўйича қўмита ва Мусулмонлар идораси вакиллари билан учрашувлар ўтказилди. Меҳмонларга диний соҳада амалга оширилаётган ислоҳотлар, толерантлик ва конфессионал ҳамжиҳатликни мустаҳкамлаш, ёшларни ёт ва радикал ғоялардан ҳимоя қилиш борасида кўрилаётган чора-тадбирлар ҳақида сўзлаб берилди.

Делегация, шунингдек, Тошкентдаги Ислом цивилизацияси марказига, Самарқанд ва Бухоро шаҳарларидаги тарихий обидалар ҳамда зиёратгоҳларга ташриф буюрди.

Кембридж шаҳрида жойлашган “Woolf Institute” яҳудийлик, христианлик ва ислом динлари ўртасидаги ўзаро англашув, академик тадқиқотлар ҳамда динлараро мулоқотни ривожлантиришга ихтисослашган.

Институт ижроия директори доктор Эстер-Мириам Вагнер Ўзбекистон Марказий Осиёнинг юраги экани, минтақанинг бой ислом меросини боғлаб туришини қайд этиб, ёш мамлакатнинг оптимизми ва кенг кўламли режалари ғарб давлатлари учун ҳам намуна бўла олишини таъкидлади.

Институт аъзоси, “Edmond de Rothschild Capital Holdings” собиқ бош директори Рик Софер сафар давомида мадраса талабалари ва ўқитувчилари билан суҳбатларда диний радикализм аломатларини сезмаганини билдирди. Унинг сўзларига кўра, яҳудий сифатида у учун Самарқанд синагогаларида тазйиқлар ҳақида ҳеч қандай шикоят эшитмагани муҳим аҳамиятга эга. У Буюк Британия ва Европа вакилларини Ўзбекистоннинг бирдамлик ва ўзаро ҳурматни таъминлаш борасидаги тажрибасини ўрганишга чақирди.

Кембридж университети тадқиқотчиси доктор Алия Абдукадир Али Ўзбекистонда хотин-қизлар ҳуқуқларини ҳимоя қилиш тизими уни лол қолдирганини айтди. У Тошкентдаги Зангиота ва Бухородаги Қизбиби зиёратгоҳларида асрлар давомида буюк аёллар хотираси эъзозланиб келинаётганига эътибор қаратди.

Ушбу ташриф Ўзбекистоннинг динлараро тотувлик соҳасидаги тўплаган тажрибасини халқаро ҳамжамиятга етказиш ҳамда Буюк Британия билан илмий-маърифий, маданий ва гуманитар ҳамкорликни янада ривожлантириш йўлидаги муҳим қадам бўлди.

Ўзбекистон мусулмонлари идораси Матбуот хизмати

Ўзбекистон янгиликлари