05 Август, 2025, 11 Сафар, 1447
05 Август, 2025, 11 Сафар, 1447
Шу йил 31 июль куни Бухоро вилоятида фаолият юритаётган диний соҳа ходимлари ўртасида “Заковат” интеллектуал танлови бўлиб ўтди.
Тадбирда Бухоро вилояти ҳокими Ботир Зарипов, вилоят бош имом-хатиби Жобир домла Элов, бир қатор ташкилотлар вакиллари ва танлов иштирокчилари қатнашди.
Очилиш маросимида сўзга чиққан вилоят ҳокими Ботир Зарипов танлов иштирокчиларини самимий табриклаб, бу каби тадбирлар диний соҳа вакилларининг билим ва малакасини ошириш билан бирга, улар ўртасидаги ҳамжиҳатлик ва ҳамкорликни мустаҳкамлашда муҳим ўрин тутишини таъкидлади.
Мусобақада “Ибн Сино”, “Бобойи Самоси”, “Абу Бакр Калабодий”, “Абдухолиқ Ғиждивоний”, “Пойкандий”, “Ренессанс”, “Пойи Калон”, “Чор Бакр”, “Моҳитабон”, “Саййид Амр Кулол”, “Хожа Ромитаний”, “Хожа Маҳмуд Анжир Фағнавий”, “Нақшбанд”, “Абу Ҳафс Кабир”, “Мир Араб” ва “Маҳмуд Таробий” жамоалари иштирок этди.
Беллашувда жамоаларга диний-маърифий, тарихий ва умумий билимларга оид саволлар берилди. Қизғин ва баҳсли муҳитда ўтган танловда иштирокчилар ўз билим савияси, мантиқий фикрлаши ва жамоавий ҳамкорлик қобилиятини намоён этди.
Якунда Бухоро вилояти ҳокимининг кубоги “Пойкандий” жамоасига топширилди. Совринни вилоят бош имом-хатиби Жобир домла Элов ҳамда вилоят ҳокими ўринбосари Азизбек Қаландаров тантанали равишда тақдим этди. Шунингдек, бошқа жамоалар ҳам эсдалик совғалари билан тақдирланди.
Ўзбекистон мусулмонлари идораси
Матбуот хизмати
IQNA сайти хабарига кўра, Мисрдаги машҳур “Қуръон карим” радиоэшиттириши раҳбари Исмоил Дувайдар узоқ танаффусдан сўнг машҳур “Мусҳаф муаллим” дастури яна эфирга қайтганини маълум қилди. Дастур ҳар куни маҳаллий вақт билан соат 09:45 да эфирга узатилади. Уни Саъд ал-Мутъаний олиб боради.
Ушбу дастур Қуръон каримни янги ўрганаётган ва ёд олишни истаган кишилар учун мўлжалланган бўлиб, унда тажвид қоидаларига мувофиқ тўғри талаффуз ўргатилади. Дастурда Шайх Маҳмуд Халил Ҳусарийнинг тиловатлари асос қилиб олинган.
Шунингдек, Қуръон карим радиоэшиттириши Миср Вақфлар вазирлиги билан ҳамкорликда ҳар куни диний танлов ҳам ўтказмоқда. Ғолиблардан икки нафарига 2 500 миср фунти миқдорида мукофот берилади. Тингловчиларнинг саволига жавобни (сура ва оят рақами) вазирликнинг “Facebook” саҳифасидаги махсус ҳавола орқали юборишлари лозим.
Исмоил Дувайдар таъкидлашича, радиоэшиттириш ҳозирда Мисрнинг етук қори ва машҳур уламолари марҳум шайх Абдуфаттоҳ Шаъшаъийнинг илгари эфирга узатилмаган ноёб тиловатларини ҳам тақдим этмоқда. Бу тиловатларни шайхнинг оиласи радиоэшиттиришга совға қилган.
Шунингдек, шайх Мустафо Исмоилнинг набираси томонидан берилган 18 та ноёб тиловат ҳам ушбу бой жамғармага қўшилди. Шу билан бирга, Шайх Муҳаммад Рифъат, Шайх Абдулбосит Абдуссомад ва Шайх Муҳаммад Табловий каби машҳур етук қориларнинг тиловатлари ҳам эфирда янграмоқда.
Илёсхон Аҳмедов,
тайёрлади.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 