18 Сентябр, 2026, 7 Рабиъус сони, 1448
18 Сентябр, 2026, 7 Рабиъус сони, 1448
Конференцияда Бангладеш, Индонезия, Малайзия, Ҳиндистон, Россия, Миср, Хитой, Англия ва Ўзбекистон каби ўнга яқин мамлакат олим ва тадқиқотчилар буюк мутафаккир Баҳоуддин Нақшбандий меросининг таълим ва тарбия жараёнидаги ўрни, унинг маънавий-ахлоқий қадриятларни шакллантиришдаги аҳамияти юзасидан мулоҳазалар билдирилди.
Халқаро илмий конференция доирасида Бухоро давлат техника университети Индонезиянинг Jamʼiya Ahlith Thariqah al-Muʼtabarah an-Nahdliyah va Malang Islom университети билан ҳамкорлик меморандуми имзоланди. Ушбу меморандум илмий, таълимий ва маънавий соҳаларда халқаро ҳамкорликни ривожлантириш, тажриба алмашиш ва қўшма лойиҳаларни амалга оширишга йўналтирилган. Бу ҳамкорлик нафақат университетлараро илмий алоқаларни мустаҳкамлаш, балки ёш авлод тарбиясида нақшбандийлик таълимотини чуқур ўрганиш ва тарғиб қилишга хизмат қилади.
– Бугун тарихнинг чуқур илдизларига эга, бутун мусулмон олами маънавий-маърифий меросининг муҳим бўғини бўлган Нақшбандия тариқатининг таълим ва ахлоқий тарбиядаги ўрнини ўрганиш, уни замонавий ёшлар тарбиясига татбиқ этиш борасида фикр алмашиш учун тўпландик, – дейди конференция иштирокчиси Сед Вассем Аҳамет. – Нақшбандия бу фақат тасаввуф йўли эмас, балки руҳий камолот, ахлоқий поклик, илмий тафаккур, устоз-шогирд анъаналари ва амалий меҳнат уйғунлигини ўзида мужассам этган юксак маънавий мактабдир.
Тадбирда вилояти ҳокимининг жамоат ва диний ташкилотлар билан алоқалар бўйича ўринбосари Азизбек Қаландаров иштирок этди.
Зариф Комилов, Тоҳиржон Истатов (сурат), ЎзА мухбирлари.
Жорий йилнинг 19-20 август кунлари бўлиб ўтган нуфузли анжуман диний таълим тизимини сифат жиҳатидан янги босқичга олиб чиқиш, илмий-тадқиқот ишлари кўламини кенгайтириш ва соҳага илғор педагогик ёндашувларни татбиқ этиш ва замон талабига мос кадрлар тайёрлашда йўлидаги салмоқли амалий қадам бўлди.
Тадбирлар давомида соҳага оид илмий маърузалар билан бир қаторда Олий Мажлис Қонунчилик палатаси, Рақамли таълим ва сунъий интеллектни ривожлантириш маркази ҳамда илмий-тадқиқот соҳасининг етакчи мутахассислари томонидан маънавий-маърифий тараққиёт, диний таълимда рақамли трансформация, сунъий интеллект ва илмметрия масалаларига бағишланган маҳорат дарслари ҳам ўтказилди. Машғулотлар тизимда замонавий ёндашувларни оммалаштириш, дарс жараёнларида янгича услубларни қўллаш ҳамда соҳа вакилларининг касбий маҳоратини оширишга хизмат қилади.
Шунингдек, анжуман доирасида олий ва ўрта махсус диний таълим муассасалари профессор-ўқитувчиларининг муҳтарам Президентимизга йўллаган Мурожаатномаси ўқиб эшиттирилди.
Унда сўнгги йилларда диний-маърифий соҳани тубдан ривожлантириш, миллий ва диний қадриятларимизни тиклаш ҳамда улуғ аждодларимизнинг бой маънавий меросини ўрганиш ва диний таълимни ривожлантириш борасида олиб борилаётган тарихий ислоҳотлар алоҳида эътироф этилди. Жумладан, Мир Араб олий мадрасаси, Ҳадис илми мактаби, Имом Термизий ислом институти каби диний таълим масканлари, Имом Бухорий, Имом Термизий, Имом Мотуридий ва Баҳоуддин Нақшбанд каби халқаро илмий-тадқиқот марказлари ташкил этилиши юртимизда маърифат аҳли учун кенг имкониятлар очгани таъкидланди.
Ўз навбатида, педагоглар ушбу юксак эътибор ва шарт-шароитлар учун Давлатимиз Раҳбарига миннатдорлик билдириб, бунга жавобан ёшларни Ватанга муҳаббат ва умуминсоний қадриятларга ҳурмат руҳида тарбиялаш, Ислом динининг асл инсонпарварлик ғояларини ўзлаштирган ва соҳада етук кадрларни тайёрлашини таъкидладилар.
Бўлиб ўтган анжуман диний таълим тизимини янги босқичга олиб чиқиш, инновацион ва рақамли технологияларни ўқув жараёнига татбиқ этиш ҳамда соҳада юқори малакали, замон билан ҳамнафас мутахассисларни тайёрлашда муҳим пойдевор бўлиб хизмат қилади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа