28 Сентябр, 2026, 17 Рабиъус сони, 1448
28 Сентябр, 2026, 17 Рабиъус сони, 1448
Бисмиллаҳир Роҳманир Роҳийм
1. Ушбу оятни ўқиш:
“Роббишроҳ ли содри ва йассир ли амри ваҳлул ъуқдатан мин лисани йафқоҳу қовлий”
“Роббим! (Бу қийин вазифага) бағримни кенг қилгин ва ишимни осон қилгин ҳамда тилимдан тугунни (дудуқликни) ечиб юборгин, (токи) улар (қавмим) гапимни (яхши) англасинлар” (Тоҳо сураси, 25-28 – оятлар).
2. Ушбу дуони ўқиш:
“Робби йассир ва лаа туъассир. Робби таммим бил хойри”
“Роббим! Осон қилгин, қийин қилма. Роббим, (ишимни) яхшилик билан тугатгин”.
3. Ҳар бир ишни холис Аллоҳ учун бажариш.
Аллоҳ таоло бундай марҳамат қилади: “(Барча ишларни) чиройли қилингиз. Албатта, Аллоҳ чиройли (иш) қилувчиларни яхши кўради” (Оли Имрон сураси, 195-оят).
Расулуллоҳ соллаллоҳу алайҳи васаллам: “Албатта, сизлардан бирингиз бирор иш қилса, Аллоҳ уни пухта қилишини севади”, дедилар (Имом Байҳақий ривояти).
4. Ёлғондан узоқ бўлиш.
“Мол (ва бойлик)ларингизни ўрталарингизда ботил (йўллар) билан емангиз!” (Бақара сураси, 188-оят).
Расулуллоҳ соллаллоҳу алайҳи васаллам: “Ким алдамчилик қилса, биздан эмас”, деганлар (Имом Муслим ривояти).
Даврон НУРМУҲАММАД
Саудия Арабистонининг “Alhatun” журнали ҳамда Иорданиянинг “Seyahafm” радиостанцияси сайтида Ўзбекистоннинг бой тарихий-маданий мероси ва туризм соҳасининг жадал ривожланишига бағишланган мақолалар эълон қилинди, деб хабар бермоқда “Дунё” АА мухбири.
“Alhatun” нашрида ёзилишича, Ўзбекистон туризм йўналишида Марказий Осиёнинг дурдонаси, дея таърифланган. Мамлакатнинг асосий сайёҳлик дурдоналари — Самарқанд, Бухоро, Хива ва Тошкент ҳақида алоҳида тўхталиб ўтилган.
Журналда Ўзбекистон жозибадорлиги Буюк Ипак йўлининг ноёб меъморий ва исломий мероси, қадимийлик ва замонавийликнинг уйғунлиги, анъанавий меҳмондўстлик ҳамда гастрономия йўналишларида алоҳида ажратиб кўрсатилган.
“Seyahafm”да таъкидланишича, сўнгги пайтларда Ўзбекистон тобора кўпроқ сайёҳларни ўзига жалб қилмоқда. Жумладан, 2026 йилнинг дастлабки саккиз ойида халқаро сайёҳлар оқими 21,1 фоизга ошган.
Нашрда қайд этилишича, виза режимининг соддалаштирилиши, темир йўл тармоғи ва меҳмонхона базасининг кенгайиши нафақат мамлакат бўйлаб саёҳатларни осонлаштирди, балки хорижий меҳмонларни Ўзбекистонда узоқроқ қолиш ва янги ҳудудларни кашф этишга ундамоқда.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 