“Янги Ўзбекистоннинг тинчлик ва маънавият тарғиботчилари бўламиз” ташаббуси доирасида ўтказиб келинаётган намунавий-амалий тадбирнинг навбатдагиси Сўх туманида ўтказилди. Тадбирга Фарғона вилояти бош имом-хатиби ўринбосари Алишер домла Наимов бошчилик қилди.

“Иноятуллоҳ” масжидида ўтказилган ташкилий йиғилишда тажрибали имом-хатиблардан иборат Ишчи гуруҳ тузилиб, улар ўртасида вазифалар тақсимланди. Алишер домла амалий ишлар йўналишлари, гуруҳ аъзоларининг ҳамкорлиги ва маҳаллаларда олиб бориладиган маънавий ишлар самарадорлигини ошириш юзасидан кўрсатмалар берди.

Ишчи гуруҳ фаолияти уч йўналишда ташкил этилди. Жумладан, ҳожилар иштирокида фуқаролар билан суҳбатлар ўтказилди, маҳалланинг муаммоли хонадонлари аниқланди ва уларда тарғибот ҳамда амалий ёрдам ишлари амалга оширилди.

Тадбир давомида имом-хатиблар томонидан ижтимоий ва маънавий кўмакка муҳтож фуқаролар билан маърифий суҳбатлар ўтказилди, аразлашган оилаларни яраштириш мақсадида олиб борилган суҳбатлар натижасида икки хонадонда ажримнинг олдини олишга эришилди.

Шунингдек, эҳтиёжманд, ногирон ва кекса фуқаролар истиқомат қилаётган хонадонларга борилиб, уларга моддий ёрдам кўрсатилди.

Тадбир якунида амалга оширилган ишлар таҳлил қилиниб, Сўх туманида фаолият юритаётган имом-хатибларга мазкур тадбир доирасидаги ишларни жадаллаштириш бўйича тавсиялар берилди. 

Фарғона вилояти вакиллиги Матбуот хизмати