25 Сентябр, 2026, 14 Рабиъус сони, 1448
25 Сентябр, 2026, 14 Рабиъус сони, 1448
Бисмиллаҳир Роҳманир Роҳийм
Расулуллоҳ соллаллоҳу алайҳи васаллам кунлардан бирида саҳобалари олдига чиқиб: “Сизларга кимнинг иймони кўпроқ манзур?”, дедилар.
Улар: “Фаришталарнинг иймони”, деб жавоб беришди.
Расулуллоҳ соллаллоҳу алайҳи васаллам: “Ахир улар Робби ҳузурида бўла туриб қандай иймон келтирмасин?”, дедилар.
Саҳобалар: “Ундай бўлса пайғамбарларнинг иймони”, дейишди.
Расулуллоҳ алайҳиссалом: “Уларга ваҳий тушган бўлатуриб иймон келтирмасликлари мумкинми?” дедилар.
Саҳобалар: “Ундай бўлса ўзимизнинг иймонимиз”, дейишди.
"Расулуллоҳ сизлар билан бирга бўла туриб қандай иймон келтирмайсизлар?" дедилар.
Саҳобалар: “Унда кимнинг иймони, ё Расулуллоҳ?”, деб сўрашди.
Расулуллоҳ соллаллоҳу алайҳи васаллам: “Бир қавм борки, улар мендан кейин келишади. Мени кўмай туриб яхши кўришади. Уларнинг олдида фақат Китоб (Қуръон) туради. Унга иймон келтирадилар ва амал қиладилар. Ана ўшалар улуғ ажр эгаларидир”, дедилар.
Абдулатиф АБДУЛЛАЕВ
Хайрли иш бошланганда, дейлик, бирор иморат қуришга киришилганда "Ҳорманг" дейиш – халқимизга хос қадим қадрият. Ана шу қадрият бугун янада сайқал топиб, эзгу анъанага айланди.
Бугун Тошкент вилояти бош имом-хатиби Дониёр домла Икромов ҳамда бош имом ўринбосари Обиджон домла Мирҳамидов Бўстонлиқ туманида қурилиши давом этаётган «Имоми Аъзам», «Дониёр ибн Озод», «Хўжахонтўра», «Сари Қангли», «Қумурсқа ота», «Қоравой ота», «Жомбой», «Масат ота», «Сайитбой ўғли Вали Халфа» ва «Ҳумсон» жоме масжидлари биноларини кўздан кечирди.
Шу билан бирга, мазкур масжидлар маъмуриятига, усталарга, қурувчиларга ўзларининг зарур тавсия ва маслаҳатларини бердилар ҳамда хайрли дуолар қилдилар.
Аллоҳ таоло Ўз байтини тез орада мўмин-мусулмонлар ихтиёрига топширилишиши насиб қилсин.
Тошкент вилояти вакиллиги Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 