"Ихтилофли масалалар ечими" бўйича мусобақа ўтказилди
Бугун, 17 ноябрь куни Мир Араб олий мадрасаси талабалари ўртасида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг "Фиқҳ ва ақидага оид ихтилофли масалалар ечими" номли асари бўйича мусобақа бўлиб ўтди.
Унда “Абу Ҳафс Кабир”, “Нақшбандийлар”, “Имом Мотурудий”, “Чор Бакр” ҳамда аёл-қиз талабаларнинг “Муслималар” жамоалари иштирок этди.
Мусобақа тезкор савол-жавоб ҳамда тафсилотли савол-жавоб шартлари асосида олиб борилди.
Якуний натижага кўра “Имом Мотурудий” жамоаси 1-ўринни қўлга киритди. Якунда ғолиб ва иштирокчиларга ҳадялар топширилди.
Ўзбекистон мусулмонлари идораси
Матбуот хизмати
Ҳар бир хонадонга байрам шукуҳи кириб бормоқда
Ўзбекистон Республикаси мустақиллигининг 35 йиллиги муносабати билан воҳамиз аҳолининг ижтимоий кўмакка муҳтож қатламларини қўллаб-қувватлаш, уларнинг кўнглига қувонч улашишга қаратилган хайрли ишлар давом этмоқда.
Бугун, ЎМИ Қашқадарё вилояти вакили, вилоят бош имом-хатиби Раҳматилло домла Усмонов бошчиликларида ҳомийлар жалб этилган ҳолда маҳалла ҳудудидаги хонадонларга ташриф буюриб, хонадон аҳиллари билан самимий суҳбатлар ўтказилди. Уларни қўллаб-қувватлаш мақсадида совға-саломлар ва хайр-эҳсон қутилари тарқатилди.
Бундай хайрли ташаббуслар халқимизга хос меҳр-оқибат, саховат ва инсонпарварлик фазилатларининг амалий ифодаси бўлиб, эҳтиёжманд оилаларга маънавий далда ва кўмак беришда муҳим аҳамият касб этмоқда.
Юртимизда тинчлик-осойишталик, хонадонларимизда файзу барака бардавом бўлсин!
ЎМИ Қашқадарё вилояти вакиллиги
Матбуот хизмати
