3 декабрь – Халқаро ногиронлар куни
3 декабрь – Халқаро ногиронлар куни муносабати билан Бухоро вилоятидаги масжидларда фаолият юритаётган имом-хатиблар томонидан жисмоний имконияти чекланган фуқаролар ҳолидан хабар олинди. Ташрифлар давомида уларнинг муаммо ва эҳтиёжлари ўрганилиб, аҳволидан хабар олиш, маънавий кўмак кўрсатиш ҳамда эътибор-эҳтимом билдириш мақсадида бир қатор хайрли тадбирлар амалга оширилди.
Ислом дини инсон қадрини барча нарсадан устун қўяди. Қуръони карим оятлари ва муборак ҳадисларда жисмоний имконияти чекланган шахсларга меҳр-шафқат кўрсатиш, уларга мадад бериш ва ҳар томонлама қўллаб-қувватлашга оид кўплаб ўгит ва тавсиялар баён этилган. Мазкур хайрли ташаббуслар ҳам ана шу олий инсоний ва исломий қадриятларнинг амалий ифодаси ҳисобланади.
Ўзбекистон мусулмонлари идораси
Бухоро вилояти вакиллиги Матбуот хизмати
Ҳар бир хонадонга байрам шукуҳи кириб бормоқда
Ўзбекистон Республикаси мустақиллигининг 35 йиллиги муносабати билан воҳамиз аҳолининг ижтимоий кўмакка муҳтож қатламларини қўллаб-қувватлаш, уларнинг кўнглига қувонч улашишга қаратилган хайрли ишлар давом этмоқда.
Бугун, ЎМИ Қашқадарё вилояти вакили, вилоят бош имом-хатиби Раҳматилло домла Усмонов бошчиликларида ҳомийлар жалб этилган ҳолда маҳалла ҳудудидаги хонадонларга ташриф буюриб, хонадон аҳиллари билан самимий суҳбатлар ўтказилди. Уларни қўллаб-қувватлаш мақсадида совға-саломлар ва хайр-эҳсон қутилари тарқатилди.
Бундай хайрли ташаббуслар халқимизга хос меҳр-оқибат, саховат ва инсонпарварлик фазилатларининг амалий ифодаси бўлиб, эҳтиёжманд оилаларга маънавий далда ва кўмак беришда муҳим аҳамият касб этмоқда.
Юртимизда тинчлик-осойишталик, хонадонларимизда файзу барака бардавом бўлсин!
ЎМИ Қашқадарё вилояти вакиллиги
Матбуот хизмати
