10 Декабр, 2025, 19 Жумадул сони, 1447
10 Декабр, 2025, 19 Жумадул сони, 1447
2025 йил 05 декабр куни Наманган вилояти вакиллигида бош қомусимиз қабул қилингани муносабати билан Наманган вилоятида фаолият олиб бораётган диний соҳа ходимлари ўртасида Муфтий Нуриддин Холиқназар ҳазратларининг китоблари асосида ЗАКОВАТ интеллектуал ўйини бўлиб ўтди.
Тадбирнинг очилиш маросимида Наманган вилояти ҳокимининг ўринбосари Жамшед Хатамов, Наманган вилояти бош имом-хатиби Мусохон домла Аббасиддиновлар сўзга чиқиб беллашув иштирокчиларига омад тилашди.
Мазкур беллашув диний соҳа ходимларининг ақлий фаоллигини ошириш, ўзаро жамоавий ҳамфикрлигини қўллаб-қувватлаш, ҳамжиҳатликни мустаҳкамлаш, илмий салоҳиятларини ошириш мақсадида ташкил этилди.
Жами 14 жамоа иштирок этган ЗАКОВАТ интеллектуал ўйини қизғин баҳс-мунозараларга бой тарзда ўтди. Интеллектуал ўйиннинг якуний натижаларига кўра;
1-ўрин Наманган шаҳар имомларини "ЗИЁ" жамоаси,
2-ўрин Уйчи тумани имомларини "Ахси" жамоаси,
3-ўрин Тўрақўрғон тумани имомларини "Қадим Ахсикент" жамоасига насиб қилди.
Ғолибларга Ўзбекистон мусулмонлари идораси Наманган вилоят вакиллигининг диплом ва эсдалик совғалари топширилди.
Ўзбекистон мусулмонлари идораси
Наманган вилояти вакиллиги Матбуот хизмати
Бу сана алоҳида белгилангани бежиз эмас. Бу кун жамият, иқтисодиёт ва давлат бошқарувига жиддий хавф солувчи иллат саналмиш коррупцияни ёдга солиш, унинг оқибатларини яна бир бор англаш, энг муҳими эса унга қарши қатъий курашишда ҳар бир киши масъул эканини эслатиб туриш учун нишонланади.
Тарихга назар солсак, 2003 йил 9 декабрда Мексиканинг Мерида шаҳрида БМТ ташаббуси билан ўтказилган халқаро конференцияда 100 дан ортиқ давлат “Коррупцияга қарши халқаро конвенция”ни имзолаб, глобал миқёсда бирлашган ҳолда ҳаракат қилишга келишиб олган. Коррупция тақдири бир давлат муаммоси эмас, балки бутун дунё хавфсизлиги ва барқарор ривожланиши билан боғлиқ масала.
Шу конференциянинг биринчи куни Халқаро коррупцияга қарши кураш куни сифатида эълон қилинди. 2004 йилдан буён дунё мамлакатлари ушбу санани жамоатчиликни хабардор қилиш, муҳокама маданиятини кучайтириш ва соҳага доир чора-тадбирларни тизимлилаштириш мақсадида нишонлаб келмоқда.
Резолюцияда таъкидланишича, бу куннинг асосий мақсади коррупциянинг туб моҳиятини чуқур англаш, уни олдини олиш чораларини мустаҳкамлаш ва барча даражада қатъий курашишдир.
Ўзбекистонда ҳам коррупцияга қарши курашиш давлат сиёсатининг энг устувор йўналишларидан бири сифатида белгиланган. Сўнгги йилларда барча соҳаларда очиқлик, шаффофлик, ҳисобдорлик тамойилларини кучайтириш, бюрократик тўсиқларни қисқартириш, “яширин иқтисодиёт”га чек қўйиш бўйича кенг кўламли ислоҳотлар амалга оширилмоқда.
Давлат ва жамият ҳаётида рақамлаштириш жараёнлари тезлашиб, хизматларни электрон шаклга ўтказиш коррупциявий омилларни камайтиришда муҳим воситага айланди. Энг муҳими, коррупция билан кураш фақат давлат муассасалари ёки алоҳида идоралар вазифаси эмас. Бу ҳар бир фуқаронинг фуқаролик бурчидир.
Агар ҳар биримиз қонунларга риоя қилсак, шаффофликни талаб қилсак ва ҳуқуқий маданиятимизни оширсак, жамиятни ривожлантиришга улкан ҳисса қўшган бўламиз.
Баҳодир Киргизов,
“Микрокредитбанк” акциядорлик тижорат банки
Коррупцияга қарши назорат департаменти директори,
UzA.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 