07 Апрел, 2026, 18 Шаввол, 1447
07 Апрел, 2026, 18 Шаввол, 1447
Қийин вазиятларга тушиб қолганда ёрдам берадиган одам бўлса, бу сиз учун бебаҳо инъомдир. Биз кўпинча энг қийин дамларда ёнимизда қоладиган одамларнинг борлигини ёки қадрини сезмаймиз. Улар қўлимиздан тутиб, бизни қўллаб-қувватлаб, ўзимизга ишонмай қолсак ҳам, ҳаммаси яхши бўлишига бизни ишонтириб, далда берган бўлишади.
Ўзаро муносабатларнинг ҳақиқий кучи айнан шундай пайтларда қийин бўлганда намоён бўлади. Демак, муҳаббат нафақат қувончли дамларда бирга қувониш, балки ҳар қандай синовдан ўтишда елкадош бўлиш, матонат ва ғамхўрлик кўрсатишдир. Бу сўз билан ўлчанмайдиган, балки ҳаракатларда намоён бўладиган ҳақиқий ҳиссиётдир. Хўш, сизнинг ана шундай бебаҳо яқинларингиз борми? Бор бўлса, ҳаётдаги майда муаммолар олдида ҳечам ғам еманг. Билсангиз, сиз энг бахтиёр бандалардан экансиз!..
Акбаршоҳ Расулов
Диний соҳа ходимлари ўртасида спортнинг миллий кураш тури бўйича ўтказилаётган мусобақанинг вилоят босқичлари ташкил этилмоқда.
Бухоро ва Қашқадарё вилоятларида ўтказилган мазкур босқичларда шаҳару туманларда ғолибликни қўлга киритган иштирокчилар ўзаро беллашди. Улар ўзларининг жисмоний тайёргарлиги, чаққонлиги ва маҳоратини намоён этишди.
Якуний натижаларга кўра, энг кучли ва маҳоратли иштирокчилар ғолибликни қўлга киритиб, мусобақанинг республика босқичига йўлланмани қўлга киритишди.
Ғолиб ва совриндорлар ташкилотчилар томонидан диплом ҳамда эсдалик совғалари билан тақдирландилар.
Таъкидлаш жоизки, мазкур мусобақалар диний соҳа ходимлари ўртасида соғлом турмуш тарзини тарғиб қилиш, миллий спорт турларини ривожлантириш ва ўзаро дўстликни мустаҳкамлашда муҳим аҳамият касб этади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 