Андижонда “Инсон қадри” китоби тақдимоти бўлиб ўтди
Жорий йил 27 декабрь куни Андижон вилоятида фаолият кўрсатаётган шаҳар-туман бош имом-хатиблари иштирокида Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг "Инсон қадри" номли китоблари тақдимоти ўтказилди.
Китоб тақдимотида вилоят бош имом-хатиби Мирзамақсуд домла Алимов томонидан ушбу китобда ислом таълимотига кўра инсоннинг ҳақиқий қадри унинг ташқи кўриниши, бойлиги ёки мансаби билан эмас, балки қалб поклиги, нияти, одоб-ахлоқи ва эзгу амаллари билан ўлчаниши Қуръон ва суннат асосида ёритиб берилганлиги, асарда инсон қадри, тарбия, илм-маърифат, соғлом турмуш тарзи, ҳалол меҳнат ва касб-ҳунарнинг ҳаётдаги ўрни содда ва халқчил услубда баён этилганлиги таъкидлаб ўтилди.
Андижон вилоят вакиллиги матбуот хизмати
Диний таълим муассасаларида янги ўқув йили қачондан бошланиши маълум бўлди
Ўзбекистон мусулмонлари идорасининг тегишли буйруғи асосида олий ва ўрта махсус диний таълим муассасаларида янги, 2026-2027 ўқув йилининг бошланиш санаси тасдиқланди.
Унга кўра, олий ва ўрта махсус диний таълим муассасаларининг барча курс талабалари учун дарс жараёнлари 2026 йил 7 сентябрдан бошланади.
Ўзбекистон мусулмонлари идораси Матбуот хизмати