06 Январ, 2026, 17 Ражаб, 1447
06 Январ, 2026, 17 Ражаб, 1447
Учрашувда Қорақалпоғистон Республикаси Жўқорғи Кенгесининг Раиси Аманбай Оринбаев сўзга чиқиб, сўнгги йилларда муҳтарам Президентимиз раҳбарлигида Қорақалпоғистон учун алоҳида қабул қилинган қарор ва фармонлар, шу орқали яратилган имтиёз ва имкониятлар ҳақида атрофлича тўхталиб ўтди.
Шунингдек, қисқа вақт ичида Қорақалпоғистон тарихи саҳифаларида ўзига хос ўрин эгаллаган муҳим янгиликлар, бугунги кунда амалга оширилаётган кенг кўламли эзгу ишлар ҳамда олдинда турган устувор вазифалар хусусида фикр алмашилди.
Айтиб ўтиш жоизки, яқин вақт ичида Қорақалпоғистонда чин маънода тарихий аҳамиятга эга ислоҳотлар амалга оширилиб, аҳоли ва тадбиркорлик субъектлари, жамиятнинг барча қатламлари учун илгари бўлмаган кенг имтиёз ва имкониятлар яратилди. Ушбу ислоҳотлар ва ташаббуслар учрашув давомида аниқ мисоллар билан ёритиб берилди.
Шундан сўнг иштирокчиларнинг таклиф ва мулоҳазалари тингланиб, келгусида амалга оширилиши лозим бўлган муҳим вазифалар белгилаб олинди.
Учрашув якунида юртимиз тараққиёти йўлида муносиб ҳисса қўшаётган бир гуруҳ маданият ходимлари ва дин вакиллари Қорақалпоғистон Республикаси Жўқорғи Кенгесининг Раиси томонидан муносиб рағбатлантирилди.
Қорақалпоғистон мусулмонлари қозиёти
Матбуот хизмати
Бисмиллаҳир Роҳманир Роҳийм
حدثنا عبد الكريم بن الهيثم نا أبو اليمان أخبرني شعيب نا عبد الله بن أبي حسين حدثني نوفل بن مساحق عن سعيد بن زيد عن النبي صلى الله عليه وعلى آله وسلم أنه قال: إن هذه الرحم شجنة من الرحمن فمن قطعها حرم الله عليه الجنة.
Саид ибн Зайддан ривоят қилинади. Набий соллаллоҳу алайҳи ва ъалаа олиҳи васаллам: “Албатта, бу раҳм Раҳмондан ўзакдошдир. Ким уни узса, Аллоҳ унга жаннатни ҳаром қилади”, дедилар.
Изоҳ: Ислом гўзал ахлоқ дини бўлиб, ор-номусни сўз ёки амал билан поймол қилишдан сақлашни буюрган. Шулардан бири қариндошлик ришталари бўлиб, уни узмасликни буюрган. Чунки силаи раҳмни узиш одамлар ўртасида адоват ва нафрат келтириб чиқаради.
“Раҳм Раҳмондан ўзакдошдир” деган жумлани “Раҳм” Аллоҳ таолонинг “Раҳмон” исмидан олингандир”, деб тушуниш мумкин.
Баъзи муҳаддислар ўзакдош борасида, “Раҳм” сўзининг ҳарфлари Аллоҳнинг “Раҳмон” исмида мавжуд. Томирлар бир-бирига кириб кетгани каби чамбарчасдир.
Раҳм Аллоҳ таолонинг раҳмати нишонасидир, деганлар. Ким силаи раҳмдан юз ўгириб, риштани узса ва яхшилик билан қўшилмаса, Аллоҳ таоло унга жаннатга киришни ҳаром қилар экан.
Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 