Ёш имомлар билан учрашув ўтказилди
2024–2025 ўқув йилида диний таълим муассасаларини муваффақиятли тамомлаб, вилоят масжидларида хизмат вазифасига тайинланган ёш имомлар ва имом-ноиблар билан учрашув бўлиб ўтди.
Мазкур тадбир ёш соҳа ходимларини қўллаб-қувватлаш, уларга маънавий-маърифий йўналишда зарур тавсиялар бериш ҳамда касбий фаолиятларини янада такомиллаштириш мақсадида ташкил этилди.
Учрашувда Наманган вилоят бош имом-хатиби Абдуллоҳ домла Саматов иштирок этиб, ўз нутқларида юртимизда ёшларга яратиб берилаётган кенг имкониятлар, шунингдек, соҳа ходимларининг билим ва маҳоратини мунтазам ошириб бориши, замонавий илм-фан ва ахборот технологияларини чуқур эгаллаши муҳим эканини таъкидладилар.
Шунингдек, пешволик масъулияти, мавъиза қилиш одоб-ахлоқи, белгиланган тартиб-қоидаларга қатъий риоя этиш, дин ва халқ манфаатлари йўлида фидойилик билан хизмат қилиш лозимлиги алоҳида қайд этилди.
Учрашув якунида ёш соҳа ходимларига келгуси фаолиятларида муваффақиятлар тилаб, доимий изланиш ва ўз устида ишлаш касбий камолотнинг муҳим омили экани таъкидланди.
Ўзбекистон мусулмонлари идораси
Наманган вилояти вакиллиги
Матбуот хизмати
Фарғонада 35 нафар етим боланинг хатна тўйи байрамона ва кўтаринки руҳда нишонланди
Аллоҳ таоло ушбу эзгу ишга ҳисса қўшган барча саховатпеша инсонларнинг эҳсонларини даргоҳида қабул қилсин, мол-у жонларига барака, оилаларига тинчлик ва хотиржамлик ато этсин. Юртимизда бундай хайрли амаллар бардавом бўлиб, етим болаларнинг юзидаги қувонч ва табассум ҳеч қачон аримасин.
Vaqf.uz сайти орқали ўзингиз хоҳлаган йўналишга эҳсон қилишингиз мумкин!