Бир бурда нон сенга кифоя қилар,
Миннатли ош бир кун томоғинг тилар.

Сиз олам ва ундаги инсонлар ҳақида бир ўйлаб кўринг. Қанчадан-қанча касалхоналарда тўшакларда йиллаб касал бўлиб ётган, бахтсиз воқеа сабабли узоқ йилларини йўқотган инсонлар бор. Қамоқхоналар темирлари ҳаётлари лойқаланиб кетган, роҳатлари йўқолган минглаб инсонлар бор. Ёрдам марказлари ва шифохоналарда ақлларини йўқотиб мажнун бўлган инсонлар бор. Яна қанчадан-қанча йиртиқ чодирларда бир бурда нонга зор бўлиб яшаётган инсонлар бор. Шундай эмас-ми?

Яна аёллар орасида бир мусибат етиб бир ҳалокат туфайли бор-йўғидан, фарзанларидан айрилганлар ёки бирор бедаво дардга чалинганлар йўқ эмасми?! Сиз эса саломат, тинчлик, яхшилик ва омонликдасиз. Шундай экан Аллоҳга ҳамд айтинг. Вақтингизни Аллоҳни норози қиладиган - бекорчи телеканаллар, улардаги сифатсиз, қалбаки, аҳамиятсиз ва бемаза нарсаларга сарф қилманг. Бу нарсалар қалбга маҳзунлик ва хафаликни олиб келади ва баданни ўз вазифасини бажаришдан қолдиради. Лекин телевизорда маърузалар, илмий кенгашлар, манфаатли тиббий телекўрсатувлар, ҳар бир мусулмон ва муслима учун керакли бўлган янгиликлар ва шу каби фойдали нарсаларни томоша қилинг. Тақдим этилаётган бемаза ва уятсиз нарсалардан четланинг. Чунки улар ибо, ҳаё ва динингизни йўқотиб юборади.

Шуъла: Золимни фақатгина Аллоҳ ҳакам бўладиган охират маҳкамасига қолдиринг.

Доктор Оиз ал-Қарнийнинг
"Дунёдаги энг бахтли аёл" китобидан