16 Сентябр, 2026, 5 Рабиъус сони, 1448
16 Сентябр, 2026, 5 Рабиъус сони, 1448
Агар бирор киши “Ҳазрат, Аллоҳ таолонинг бандаларига муҳаббатининг бирор далили борми?” деб сўраса, яъни Аллоҳ таоло бандаларига меҳрибондир, карамлидир, лекин муҳаббатли эканлигига бирор далил борми? Бунга уламолар кўплаб далилларни келтирганлар. Мисол учун, барча бирдек тушунадиган оддий мисол: “Агар бандада муҳаббат бўлса, у ўз маҳбубига қанча кўп яхшилик қилса ҳам уни оз деб билади. Қачонки маҳбубидан бирор арзимас ва оз туҳфа олса ҳам уни қадрли ва жуда кўп деб билади. Бундай ҳолат Аллоҳ таоло ва банда орасида ҳам учраши Қуръони каримда баён этилган. Аллоҳ таоло бандаларига дунёда минглаб, балки ундан-да зиёда неъматлар билан сийлаган бўлса ҳам, лекин Қуръони каримда бундай дейилади:
﴿قُلْ مَتَاعُ الدُّنْيَا قَلِيلٌ﴾
«Сен: “Дунёнинг матоҳи оз” деб айт» (Нисо сураси, 77-оят).
Маҳбуб тарафидан бўлгани учун бандалар қисқа умрларида ўз ҳожатларидан ортиб, Аллоҳ таолони ёд қилсалар, ибодатни тўкис адо этсалар, муродларига эришадилар. Аллоҳ таоло бундай марҳамат қилади:
﴿يَا أَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا﴾
«Эй, имон келтирганлар! Аллоҳни кўп зикр қилинглар» (Аҳзоб сураси, 41-оят).
Субҳаналлоҳ! Маҳбубидан бўлган амални кўп деб, ўзи берган неъматларини оз деб марҳамат қиляпти. Бу Аллоҳ таолонинг ўз бандаларига бўлган муҳаббатининг далилидир.
Яна Қуръони мажидда Аллоҳ таоло ўз муҳаббатини изҳор қилиб марҳамат қилади:
﴿اللَّهُ وَلِيُّ الَّذِينَ ءَامَنُو﴾
«Аллоҳ имон келтирганларнинг дўстидир» (Бақара сураси, 257-оят).
Субҳаналлоҳ! Қандай бахт ва саодат, Аллоҳ таолонинг марҳаматики, бир сўз билан Буюк Роббимизга имон келтирганларга Ўзининг муҳаббатини эълон қиляпти.
"Илоҳий ишқ" китобидан
Нодир Одинаев таржимаси
Малайзияда бўлиб ўтган “MATTA Fair” йирик сайёҳлик кўргазмасида Ўзбекистон Туризм қўмитаси томонидан миллий павильон ташкил этилди, деб хабар бермоқда “Дунё” АА мухбири.
Малайзия халқаро савдо ва кўргазмалар марказида намойиш этилган миллий павильон мамлакатимизнинг Куала-Лумпур шаҳридаги элчихонаси кўмагида амалга оширилди.
Кўргазмада Ўзбекистоннинг туризм салоҳиятига бағишланган тақдимотлар ўтказилди. Тадбир иштирокчиларига республикада туризм соҳасида олиб борилаётган кенг кўламли ислоҳотлар, зиёрат туризмини жадал ривожлантириш ва зиёратчилар учун қулай шарт-шароитлар яратиш бўйича амалга оширилаётган чора-тадбирлар ҳақида маълумот берилди.
Сўнгги йилларда виза режими соддалаштирилиши натижасида 90 дан ортиқ хорижий давлатлар, жумладан, Малайзия фуқаролари учун ҳам мамлакатга визасиз кириш тартиби амал қилаётгани алоҳида таъкидланди.
Сайёҳлар Бухоро, Самарқанд, Хоразм, Қашқадарё вилоятлари ва Тошкент шаҳрининг тарихий ва замонавий сайёҳлик марказлари, бой маданияти, бетакрор архитектураси ва санъати, миллий анъаналари билан яқиндан танишиш имконига эга бўлди.
Миллий павильонда Туризм қўмитаси, Қашқадарё вилояти ҳокимлиги, “Uzbekistan Airways” авиакомпанияси вакиллари ҳамда республиканинг қатор туркомпаниялари томонидан зиёрат туризми, тарихий-маданий туризм, гастрономик туризм, Умра+, қишки туризм каби сайёҳлик дастурлари “B2B” ва “B2C” форматларида кенг тарғиб қилинди.
“Uzbekistan Airways” авиакомпанияси вакиллари мамлакатимизга саёҳат қилувчилар учун яратилган қулайликлар, жумладан, Тошкент ва Куала-Лумпур шаҳарлари ўртасида тўғридан-тўғри авиақатновлар мавжудлиги ҳақида ахборот берди.
Тадбир давомида икки мамлакат туроператорларининг тўғридан-тўғри ҳамкорлиги доирасида республикага сайёҳлар оқимини ошириш бўйича аниқ келишувларга эришилди.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 