12 Август, 2026, 29 Сафар, 1448
12 Август, 2026, 29 Сафар, 1448
"Вақф" хайрия жамоат фонди томонидан Саудия Арабистонининг Подшоҳ Салмон номидаги кўмак ва хайрия ишлари маркази ҳадя қилган озиқ-овқат маҳсулотлари юртимизнинг энг чекка ҳудудларидаги эҳтиёжманд оилаларга етказилмоқда.
Хусусан, фонднинг Фарғона вилояти филиали ходимлари ва кўнгиллилари анклав ҳудудлар — Шоҳимардон, Ёрдон маҳаллалари, Сўх тумани ҳамда Риштон туманининг Чўнғора қишлоғида бўлишди. Мазкур ҳудудларда истиқомат қилувчи ижтимоий ҳимояга муҳтож 410 та оилага Рамазон совғалари топширилди.
Аллоҳ ушбу саховат тадбирларида жонбозлик кўрсатаётганлар, хорижий ҳамкорлар ва барча ҳомийлардан рози бўлсин!
Vaqf.uz
Ўзбекистон мусулмонлари идораси тасарруфидаги олий ва ўрта махсус диний таълим муассасаларига 2026-2027 ўқув йили учун кириш тест синовларининг 5-ҳудуд (Бухоро вилояти) бўйича имтиҳон жараёнлари Мир Араб олий мадрасаси биносида бўлиб ўтди.
Мазкур ҳудуд бўйича диний таълим муассасаларига ҳужжат топширган 657 нафар абитуриент тест синовларида иштирок этди.
Имтиҳонларнинг шаффофлиги, адолатлилиги ҳамда тартиб-интизомини таъминлаш мақсадида жараёнларга Дин ишлари бўйича қўмита ва Ўзбекистон мусулмонлари идораси масъул раҳбарлари, диний таълим муассасалари мутасаддилари, педагог-ўқитувчилар ҳамда ички ишлар ва тиббиёт ходимлари жалб этилди.
Тест синовлари бошланишидан олдин абитуриентларга имтиҳон топшириш тартиби ва баҳолаш мезонлари батафсил тушунтирилди. Барча жараёнлар белгиланган талаб ва қоидаларга мувофиқ, юқори даражада ташкил этилди.
Ташкилотчилар тест жараёнларининг шаффоф ва тартибли ўтишига яқиндан кўмаклашган Бухоро шаҳар ички ишлар органи, соғлиқни сақлаш бошқармаси тиббиёт ходимлари ҳамда диний таълим муассасалари вакилларига ўз миннатдорлигини билдирдилар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 