Аллоҳга омонат
حدثنا عيسى نا أبو نعيم نا عبد العزيز بن عمر بن عبد العزيز عن يحيى بن إسماعيل بن جرير عن قزعة قال: أرسلني ابن عمر في حاجة له فقال: أودعك كما ودعني رسول الله صلى الله عليه وسلم وأرسلني في حاجة له فقال : أستودع الله دينك وأمانتك وخواتيم عملك.
Қазаъа розияллоҳу анҳудан ривоят қилинади: “Ибн Умар мени бир ҳожати билан жўнатиб, бундай деди: “Расулуллоҳ соллаллоҳу алайҳи ва ъалаа олиҳи васаллам мен билан хайрлашганларидек, сен билан ҳам шундай хайрлашаман. Мени бир юмушлари билан жўнатаётиб: “Аллоҳдан динингни, омонатингни ва амалинг хотимасини муҳофаза қилишини сўрайман”, дедилар”.
Абу Саид Ҳайсам ибн Кулайб Шошийнинг
“Муснади Шоший” асаридан
Даврон НУРМУҲАММАД таржимаси
Имом домла халқаро танлов ғолиби бўлди
Тошкент шаҳар Юнусобод туманидаги "Кулол-Қўрғон" жоме масжиди имом ноиби Баҳодир домла Муҳаммадиев Ўзбекистон – Буюк Британия ҳамкорлигида ўтказилган халқаро конференция доирасидаги «Буюк хизмат – Олий шараф» илмий-амалий кўрик-танловида ғолиб деб топилди.
Имом-домламизнинг илмий фаолияти, таълим соҳасидаги ташаббуслари ҳамда фидокорона меҳнатлари юқори баҳоланиб, у киши «Буюк хизмат – Олий шараф» халқаро эсдалик ва шараф нишонлари ҳамда махсус гувоҳнома билан тақдирландилар.
Баҳодир домлани ушбу юксак эътироф билан самимий қутлаймиз!
Аллоҳ таоло домламизнинг илмларини бундан-да зиёда қилсин, динимиз ва эл-юртимиз ривожи йўлидаги ижодий ва илмий фаолиятларига барака берсин!
Ўзбекистон мусулмонлари идораси
Матбуот хизмати
