16 Ноябр, 2026, 6 Жумадул сони, 1448
16 Ноябр, 2026, 6 Жумадул сони, 1448
Ризқ бу – бомдод намозига ўз вақтида улгуришингиз, мол-мулкингизда камбағалларнинг насибаси бўлиши, бирор кунингиз Қуръондан ўз вирдингизни ўқимасдан ўтмаслиги, бирор соатингиз Аллоҳни зикр қилмасдан ўтмаслиги, гарчи бир марта бўлса-да, зикр қилишингиз ризқдир.
Расулуллоҳ соллаллоҳу алайҳи васалламга салавот айтиш шарафига ноил бўлишингиз ҳам ризқдир ва яна қалб хушуси, кўнгил юмшоқлиги ва мискинларга бўлган муҳаббат ҳам ризқдандир.
Кимнинг куни юқоридагилардан бирор насибасиз ўтса, у ер юзидаги барча хазиналарга эга бўлса ҳам, аслида фақирдир!
Бугун Туркия Республикасининг Анқара ижтимоий фанлар университети Исломшунослик факультети профессори, доктор Селчук Жошқун ва доцент, доктор Ҳасан Сўзенман Имом Термизий халқаро илмий-тадқиқот марказига ташриф буюрди.
Меҳмонларни Марказ директори Музаффархон Жониев кутиб олиб, уларга Марказ фаолияти ва олиб борилаётган илмий-тадқиқот ишлари ҳақида маълумот берди.
Ташриф давомида Имом Термизий ва термизий алломалари меросига бағишланган 80 дан ортиқ китоб ва рисолалар тақдимоти ўтказилди.
Айниқса, Марказ олимлари томонидан аниқланган 226 нафар термизий алломалар ҳақидаги маълумотлар меҳмонларда катта таассурот қолдирди.
Учрашув якунида Термизий алломаларнинг илмий меросини халқаро миқёсда тадқиқ этиш, хорижий олимлар билан илмий ҳамкорликни кенгайтириш ва қўшма тадқиқотларни йўлга қўйиш масалалари келишиб олдилар.
Имом Термизий ХИТМ Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 