Имом Бухорий мажмуаси: Уламолар эҳтироми ва илк ҳайит намози
Самарқанд вилоятида жойлашган Имом Бухорий мажмуаси нафақат Ўзбекистон, балки бутун ислом оламида улуғ зиёратгоҳ ҳисобланади.
Ўзбекистон мусулмонлари идораси раиси ўринбосари Ҳомиджон домла Ишматбеков Имом Бухорий мажмуасининг аҳамиятини алоҳида таъкидлаб, бу маскан ислом маърифатини ёйиш, ёш авлодни миллий ва диний қадриятлар руҳида тарбиялашда муҳим роль ўйнаши ҳақида баён қилган.
Яқинда мажмуада илк ҳайит намози адо этилди. Бу воқеа мусулмонлар учун катта аҳамиятга эга бўлди. Намозга минглаб намозхонлар ташриф буюришди.
Ушбу кўрсатувда Имом Бухорий мажмуасининг аҳамияти ва уламоларимиз томонидан эътироф этилиши ёритилган.
Ўзбекистон мусулмонлари идораси Матбуот хизмати
Ўзбекистон вакиллари Саудия Арабистонидаги Қуръон мусобақасида юртимиз шарафини ҳимоя қилади
Жорий йилнинг 6-19 август кунлари Маккаи мукаррамадаги Масжидул-Ҳарамда ўтказиладиган Подшоҳ Абдулазиз номидаги 46-халқаро Қуръон мусобақасида ўзбекистонлик иқтидорли қори ва қорияларимиз иштирок этади.
Шу муносабат билан бугун Ўзбекистон мусулмонлари идорасида халқаро Қуръон мусобақаси иштирокчилари билан учрашув бўлиб ўтди. Унда диний таълим муассасаларидан саралаб олинган қори ва қорияларга мусобақа тартиб-қоидалари, унда иштирок этиш бўйича зарур йўл-йўриқ ва тавсиялар берилди.
Муҳим янгилик: 2026 йилдан Саудия Арабистонининг 46-мавсум халқаро Қуръон мусобақаси тарихида илк бор аёл-қизлар йўналиши жорий этилди.
Юртимиз шарафини ҳимоя қиладиган вакилларимиз билан танишинг:
Эркак қорилар:
Муҳаммадаброр қори Юнусхонов («Мир Араб» ўрта махсус ислом билим юрти талабаси) — (Тўлиқ Қуръон ҳифзи);
Муҳаммадамин қори Олимжонов («Саййид Муҳйиддин махдум» ўрта махсус ислом билим юрти талабаси) — (15 пора ҳифзи).
Аёл қориялар:
Зилолахон Фарҳодова (Имом Бухорий номидаги Тошкент ислом институти талабаси) — (Тўлиқ Қуръон ҳифзи);
Мухтасархон Муҳаммаджонова («Хадичаи Кубро» аёл-қизлар ўрта махсус ислом билим юрти талабаси) — (15 пора ҳифзи).
Аллоҳ таоло нуфузли мусобақада иштирок этадиган вакилларимизга улкан муваффақиятлар ато этсин!
Ўзбекистон мусулмонлари идораси
Матбуот хизмати
