ТАЪЛИМГА ЭЪТИБОР – КЕЛАЖАККА ЭЪТИБОР
2026 йил 2 апрель куни Тошкент шаҳар бош имом-хатиби Абдуқаҳҳор домла Юнусов ва бош имом ўринбосари Абдуллоҳ домла Йўлдошев ҳомийларни жалб қилган ҳолда пойтахтимиздаги «Хадичаи Кубро» аёл-қизлар ўрта махсус ислом таълим муассасасига 80 миллион сўмга яқин компьютер, планшет ва бошқа маиший техника жиҳозларини ҳадя қилдилар.
https://t.me/MuslimShosh/39627
Тошкент ислом институтида “Хатоба” фанидан янги ўқув машғулотлари бошланди
Имом Бухорий номидаги Тошкент ислом институтининг Модуль таълим тизимида янги ўқув машғулотлари бошланди.
12 сентябрь куни Тошкент шаҳар бош имом-хатиби Абдуқаҳҳор домла Юнусов талабалар учун «Хатоба» (нотиқлик санъати) фанидан илк дарсни ўтиб берди.
Машғулот давомида устоз ваъз-насиҳат қилиш санъати, минбар одоблари, тингловчи билан жонли мулоқот ўрнатиш сирлари ҳамда бугунги кун имом-хатиби зиммасидаги масъулиятли вазифаларга алоҳида тўхталди. Нотиқлик маҳоратига оид нозик жиҳатлар ҳаётий ва амалий мисоллар орқали очиб берилди.
Қизғин ва самимий руҳда ўтган дарс сўнггида талабалар ўзларини қизиқтирган саволларга атрофлича жавоб олдилар.
Ўзбекистон мусулмонлари идораси
Матбуот хизмати
