“Ҳидоя”да муҳим тадбирлар бўлиб ўтди
Наманган вилоятида “Ҳидоя” ўрта махсус ислом таълим муассасаси битирувчиларини ишга тақсимлаш бўйича учрашув ўтказилди. Унда Ўзбекистон мусулмонлари идораси раиси ўринбосари Муҳаммадолим Муҳаммадсиддиқов, Кадрлар бўлими бошлиғи Салоҳиддин Шерхонов, Масжидлар билан ишлаш бўлими бошлиғи Музаффар Камолов, Наманган вилояти бош имом хaтиби Абдуллоҳ Самадов ҳамда таълим муассасаси директори Қобилжон Мирзабоев битирувчиларни ишга тақсимлашга доир масалаларга тўхталишди.
Маълумот учун, "Ҳидоя" ўрта махсус ислом таълим муассасасининг бу йилги битирувчилари сони 35 нафар бўлиб, юртимиздаги масжидларга имом-хатиб ва имом ноиби вазифаларига тайинланади. Таълимни давом эттирмоқчи бўлганлар эса Тошкент ислом институти ва бошқа олий таълим муассасаларига ҳужжат топширишлари мумкин.
Шунингдек, таълим муассасасида “Ёшлар ўртасида ватанпарварлик туйғусини шакллантириш куни” муносабати билан тадбир ўтказилди. Тадбирда Ўзбекистон мусулмонлари идораси раиси ўринбосари, профессор Муҳаммадолим домла Муҳаммадсиддиқов сўзга чиқиб, ёш авлод қалбида Ватанга бўлган муҳаббат, миллий ғурур ва фидойилик туйғуларини сайқал топтириш ҳамма даврлар учун муҳим вазифа саналиб келишини таъкидлади.
Тадбирлар сўнгида талабаларни қизиқтирган саволларга жавоблар берилиб, хайрли дуо қилинди.
Ўзбекистон мусулмонлари идораси
Матбуот хизмати
“ЖУМАДАН ЖУМАГАЧА” (07.08.2026)
00:00 Хабарлар
01:00 Диний соҳа раҳбарлари маҳаллалардаги тарғибот ва ободонлаштириш ишлари билан танишди
02:17 Муфтий ҳазратлари Саудия Арабистонининг янги элчиси билан мулоқот қилдилар
03:05 “Discover Pakistan” телеканалида Ўзбекистоннинг маънавий-маърифий меросига бағишланган кўрсатув намойиш этилди
04:07 Ўзбекистон халқаро исломшунослик академияси ўқитувчилари Ал-Азҳарда малака оширди
05:06 Ўзбекистонлик имом-хатиблар Бирлашган Араб Амирликларида
06:06 Ўзбекистонда вақф тизимини ривожлантириш истиқболлари муҳокама қилинди
07:05 Қабул жараёнида қилингани мурожаатлар амалий ечим топмоқда
08:05 Жойларда диний таълим муассасаларига кириш имтиҳонлари бўлиб ўтмоқда
08:32 Боғотда "Эрали эшон бобо" масжиди янги биноси очилди
09:40 Тўрткўл туманида «Маҳалла ободлиги ва меҳр-шафқат ойлиги» тадбири ўтказилди
#yangiliklar
Ўзбекистон мусулмонлари идораси Матбуот хизмати