Абу Бакр Сиддиқ розияллоҳу анҳу айтадилар: "Аллоҳ таоло катта гуноҳларни мағфират қилади, ноумид бўлманглар. Аммо, кичик гуноҳлар сабаб азоблайди, алданиб қолманглар" (Ибн Баттолнинг Имом Бухорийнинг "Саҳиҳ" асарига ёзган шарҳидан).
Даврон НУРМУҲАММАД
Суфёни Саврий раҳматуллоҳи алайҳининг биродари вафот этганида бир қанча киши таъзия билдириш учун келди.
Имом Аъзам раҳматуллоҳи алайҳи ҳам таъзия билдиргани келди. Суфёни Саврий раҳматуллоҳи алайҳи туриб, уни ўз ўрнига ўтқизади ва ўзи унинг олдига ўтиради.
Инсонлар кетганидан кейин талабалари Суфёни Саврий раҳматуллоҳи алайҳидан: "Ғалати иш қилганингизни кўрдик", дейишди.
У эса: "Бу киши аҳли илмдир. Илми учун турмасам ҳам ёши учун тураман. Ёши учун турмасам ҳам фиқҳи учун тураман. Фиқҳи учун турмасам ҳам тақвоси учун тураман", деб жавоб берди.
Манба: Ҳаравий. "Мирқотул мафотиҳ шарҳу Мишкотул масобиҳ". Ж. 1. - Б. 30.