Мусобақанинг ярим финал курашчилари аниқланди
Бугун, 21 апрель куни кураш мусобақасининг республика босқичининг ним чорак ва чорак финал беллашувлари бўлиб ўтди. Ўзбекистон мусулмонлари идораси раҳбарияти ва Дин ишлари бўйича қўмита масъул ходимлари, вилоят ҳокимлиги мутассадилари, Ўзбекистон кураш федерацияси вакиллари иштирокида бошланган тадбир қизғин ва муросасиз баҳсларга бой бўлди.
Мусобақа аввалида табаррук ёшдаги Ҳамроқул ҳожи ва Назароҳун ҳожи оталар иштирокидаги кўргазмали кураш бўлиб ўтди.
Шундан сўнг махсус электрон дастур орқали аниқланган қуръа натижаларига кўра жами 60 нафар полвон саралаш беллашувларга киришди.
Мазкур мусобақада қуйидаги курашчилар ярим финал иштирокчисига айланди:
35 ёшгача ва 80 кггача:
Усмонжон домла Каримбердиев (Жиззах)
Ҳимойиддин домла Қурбонов (Сурхондарё)
Миродилжон домла Ғаниев (Андижон)
Фозилжон домла Аблазов (Қашқадарё)
35 ёшгача ва 80 кгдан юқори:
Расул домла Худойберганов (Қорақалпоғистон Р.)
Чориёр Қаюмов (Диний идора ходими)
Ҳумоюн домла Сайдуллаев (Тошкент вилояти)
Ҳошимжон домла Отажонов (Хоразм)
50 ёшгача ва 90 кггача:
Исломжон домла Хидиров (Самарқанд)
Олимжон домла Орипов (Бухоро)
Исомиддин домла Шайниёзов (Наманган)
Мансур домла Кароматов (Қашқадарё)
50 ёшгача ва 90 кгдан юқори:
Нуруллоҳ домла Болтаев (Бухоро)
Муҳаммадмубин домла Рўзибоев (Тошкент шаҳар)
Яҳё домла Очилов (Сурхондарё)
Шерзод домла Турсунов (Навоий)
Мусобақа тафсилотларини каналимизда кузатиб боринг.
Ўзбекистон мусулмонлари идораси
Матбуот хизмати
“Azzaman” газетаси: Янги Ўзбекистонда кенг қамровли ислоҳотлар амалга оширилмоқда
Ироқнинг “Azzaman” газетасида “Ўзбекистон мустақиллигининг ўттиз беш йиллиги: Давлат барпо этишдан Учинчи Ренессанс сари” номли мақола эълон қилинди, деб хабар бермоқда “Дунё” АА.
Мақолада таъкидланишича, Ўзбекистоннинг мустақиллик йилларида босиб ўтган тараққиёт йўли, амалга оширилган кенг кўламли ислоҳотлар ҳамда мамлакатнинг халқаро майдондаги нуфузи тобора юксалиб бормоқда.
1991 йилда қўлга киритилган мустақиллик Ўзбекистон халқи ҳаётида тарихий бурилиш ясаб, миллий давлатчилик асосларини шакллантириш, иқтисодий тараққиёт пойдеворини яратиш ва ижтимоий барқарорликни таъминлаш жараёнини бошлаб берди.
2016 йилдан бошлаб Президент Шавкат Мирзиёев раҳбарлигида мамлакатда “Янги Ўзбекистон” тамойили асосида кенг қамровли ислоҳотлар амалга оширилмоқда. Ушбу жараёнда Ўзбекистон Марказий Осиёда изчил ва мувозанатли ривожланиш йўлидан бораётган давлат сифатида эътироф этилмоқда.
Муаллиф Ўзбекистонда сўнгги йилларда иқтисодиётни либераллаштириш, инвестицияларни жалб этиш, савдо-иқтисодий алоқаларни кенгайтириш, инфратузилмани модернизация қилиш, рақамлаштириш ва тадбиркорлик муҳитини яхшилаш борасида амалга оширилган чора-тадбирларга эътибор қаратган.
Мақолада аҳолини ижтимоий ҳимоя қилиш тизимини такомиллаштириш, таълим ва соғлиқни сақлаш хизматлари сифатини ошириш, ёшлар ҳамда хотин-қизларнинг жамиятдаги фаоллигини кучайтиришга қаратилган ислоҳотлар ҳақида ҳам алоҳида фикр юритилган.
Нашрда Президент Шавкат Мирзиёев томонидан илгари сурилган “Учинчи Ренессанс” ғояси Ўзбекистон тараққиётининг муҳим стратегик йўналишларидан бири сифатида баҳоланган. Унда Хоразмий, Беруний, Ибн Сино, Имом Бухорий ва Имом Термизий каби буюк алломалар етишиб чиққан юрт бугунги кунда илм-фан, инновация, технология ва инсон капиталини ривожлантириш орқали янги уйғониш даврини яратишга интилаётгани қайд этилган.
Ироқ матбуоти Ўзбекистоннинг ислом цивилизацияси тарихидаги ўрнига ҳам тўхталиб, мамлакатда бой илмий-маърифий меросни ўрганиш ва тарғиб қилишга қаратилган лойиҳалар амалга оширилаётганини таъкидлаган. Жумладан, Тошкент шаҳрида бунёд этилган Ислом цивилизацияси маркази Мовароуннаҳр алломаларининг жаҳон тамаддунига қўшган улкан ҳиссасини намойиш этувчи муҳим илмий-маданий маскан сифатида қайд этилган.
Ўзбекистон мусулмонлари идораси Матбуот хизмати