Сайт тест ҳолатида ишламоқда!
16 Ноябр, 2026   |   6 Жумадул сони, 1448

Тошкент шаҳри
Бомдод
05:50
Қуёш
07:12
Пешин
12:13
Аср
15:22
Шом
17:06
Хуфтон
18:23
Bismillah
16 Ноябр, 2026, 6 Жумадул сони, 1448

Тарвузнинг фойдалари

29.04.2026   16752   1 min.
Тарвузнинг фойдалари

“Набий соллаллоҳу алайҳи васаллам тарвузни (янги пишган рутоб) хурмо билан истеъмол қилар ва: “бунинг иссиқлиги буни совуқлигини кетказади”, дер эдилар (Имом Абу Довуд, Имом Термизий ривояти).

Тарвуз ҳақида ривоят қилинган бундан бошқа ҳадислар саҳиҳ саналмаган. Тарвуз совуқлик ва ҳўл, бодринг ва таррадан кўра тезроқ ҳазм бўлади. Уни истеъмол қилувчининг мижози иссиқ бўлса кўпроқ фойда қилади. Совуқ мижозли кишиларга унинг зарарини кетказиш учун занжабил ва шу каби маҳсулотларни тавсия қилинади. Тарвузни овқатдан аввал истеъмол қилиш лозим. Акс ҳолда, кўнгилни беҳузур қилади. Баъзи табиблар: “Тарвузни таомдан олдин истеъмол қилинса, ошқозон ювилади ва касалликлар кетади”, деганлар.

"Исломда саломатлик" китобидан
Муҳаммад Зариф Муҳаммад Олим ўғли

Бошқа мақолалар
Янгиликлар

"Диний бағрикенглик" нишони ўз эгаларига топширилди

16.11.2026   2095   1 min.

Бугун "16 ноябрь – Халқаро бағрикенглик куни" муносабати билан юртимизда миллатлараро дўстлик ва диний тотувликни мустаҳкамлашга муносиб ҳисса қўшаётган бир гуруҳ соҳа вакилларига «Диний бағрикенглик» кўкрак нишони топширилди.

Тантанали маросимда Дин ишлари бўйича қўмита раисининг биринчи ўринбосари Давронбек Махсудов фидойи юртдошларимизга ушбу юксак мукофотларни топшириб, уларнинг келгуси фаолиятига зафарлар тилади.

Қувонарлиси, эътирофга сазовор бўлганлар сафида Ўзбекистон мусулмонлари идораси ва унинг тизимида самарали меҳнат қилаётган Акбаршоҳ Расулов, Неъмат Мусаев, Ҳикматилла Тоштемиров, Ўткирбек Собиров, Дамин Жумақулов, Тоҳир Қурбонов, Дониёр Икрамов, Мунира Абубакирова, ҳамда Турсуной Деҳқонова каби заҳматкаш инсонлар бор.

Тадбирда сўзга чиққан нотиқлар мазкур мукофотнинг таъсис этилиши Давлатимиз раҳбари томонидан диний-маърифий соҳага қаратилаётган юксак эътибор, фуқароларнинг виждон эркинлигини таъминлаш ва маънавий муҳит барқарорлигини сақлаш йўлидаги эзгу ислоҳотларнинг яққол намунаси эканини алоҳида таъкидладилар.

Ўзбекистон мусулмонлари идораси Матбуот хизмати

Ўзбекистон янгиликлари