12 Август, 2026, 29 Сафар, 1448
12 Август, 2026, 29 Сафар, 1448
Ўзбекистон мусулмонлари идораси раҳбариятининг аҳоли билан бевосита мулоқоти фуқароларнинг диний-ижтимоий масалаларини ҳал этишда муҳим омил бўлмоқда.
Хусусан, 6 май куни Диний идора раиси ўринбосари Зайниддин домла Эшонқулов томонидан ўтказилган навбатдаги қабул доирасида имом-хатиблар фаолияти, масжидлар ҳолати, оилавий муносабатлар ва моддий ёрдам сўровлари атрофлича кўриб чиқилди.
Мурожаатчиларнинг ҳар бирига шаръий масалалар юзасидан зарур тавсиялар берилиб, ижтимоий масалалар бўйича амалий кўмак кўрсатилди.
Таъкидлаш жоизки, бундай очиқ мулоқот тизими юртимиздаги барча жоме масжидларда ҳам йўлга қўйилган бўлиб, ҳар ҳафтанинг чоршанба куни имом-домлалар фуқароларни қабул қилиб, уларнинг арз ва таклифларини тинглаб келмоқда.
Ўзбекистон мусулмонлари идораси
Матбуот хизмати
Ўзбекистон мусулмонлари идораси тасарруфидаги олий ва ўрта махсус диний таълим муассасаларига 2026-2027 ўқув йили учун кириш тест синовларининг 5-ҳудуд (Бухоро вилояти) бўйича имтиҳон жараёнлари Мир Араб олий мадрасаси биносида бўлиб ўтди.
Мазкур ҳудуд бўйича диний таълим муассасаларига ҳужжат топширган 657 нафар абитуриент тест синовларида иштирок этди.
Имтиҳонларнинг шаффофлиги, адолатлилиги ҳамда тартиб-интизомини таъминлаш мақсадида жараёнларга Дин ишлари бўйича қўмита ва Ўзбекистон мусулмонлари идораси масъул раҳбарлари, диний таълим муассасалари мутасаддилари, педагог-ўқитувчилар ҳамда ички ишлар ва тиббиёт ходимлари жалб этилди.
Тест синовлари бошланишидан олдин абитуриентларга имтиҳон топшириш тартиби ва баҳолаш мезонлари батафсил тушунтирилди. Барча жараёнлар белгиланган талаб ва қоидаларга мувофиқ, юқори даражада ташкил этилди.
Ташкилотчилар тест жараёнларининг шаффоф ва тартибли ўтишига яқиндан кўмаклашган Бухоро шаҳар ички ишлар органи, соғлиқни сақлаш бошқармаси тиббиёт ходимлари ҳамда диний таълим муассасалари вакилларига ўз миннатдорлигини билдирдилар.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 