12 Август, 2026, 29 Сафар, 1448
12 Август, 2026, 29 Сафар, 1448
#Китоб_тақдимоти
Бугун, 6 май куни Имом Бухорий номидаги Тошкент ислом институтида Ўзбекистон мусулмонлари идораси раиси биринчи ўринбосари Ҳомиджон домла Ишматбеков томонидан таржима қилинган Имом Абулқосим Маҳмуд ибн Умар Замахшарийнинг “Мақомоти Замахшарий” китоби тақдимоти ўтказилди.
Элликта мақомадан ташкил топган “Мақомоти Замахшарий” асарида ҳар бир мўмин-мусулмонда бўлиши талаб этиладиган гўзал одоблар ва хислатлар ҳақида сўз боради. Қарийб минг йил ўтганига қарамай, ҳалигача бу китоб ўз қадрини йўқотган эмас.
Тадбирни Имом Бухорий номидаги Тошкент ислом институти ректори Уйғун Ғафуров кириш сўзи билан очиб берди. Устозлар томонидан “Мақомоти Замахшарий” китобидаги мақомот тушунчаси, асарнинг аҳамияти ҳамда таржиманинг ютуқлари ва афзаллик жиҳатлари ҳақида маърузалар қилинди. Шунингдек, китобнинг маънавий аҳамияти, унинг профессор-ўқитувчилар, талабалар ва диний соҳа ходимлари учун муҳим қўлланма эканлиги таъкидланди.
Тақдимотда, шунингдек, “Кўкалдош” ўрта махсус ислом билим юрти ўқув ишлари бўйича мудир ўринбосари Нодир домла Жалолов, “Шамсуддинхон Бобохонов” нашриёт-матбаа ижодий уйи директори Султонбек Имомназаров ҳамда профессор-ўқитувчилар ва талабалар иштирок этдилар.
Тақдимот тадбири хайрли дуолар билан ўз ниҳоясига етди.
Ўзбекистон мусулмонлари идораси
Матбуот котиби
Адлия вазирлиги Микромолия ташкилоти ва банк фаолиятини ўзгартириш тартиби тўғрисидаги низомга ўзгартириш ва қўшимчаларни давлат рўйхатидан ўтказди (рўйхат рақами 3656-1, 01.08.2026 й.), хабар бермоқда huquqiyaxborot Telegram канали.
Мазкур идоравий ҳужжат "Ўзбекистон Республикасининг айрим қонун ҳужжатларига Ўзбекистонда исломий банк фаолиятини жорий этишга қаратилган қўшимча ва ўзгартиришлар киритиш тўғрисида" 2026 йил 27 мартдаги ЎРҚ–1126-сон Қонунга мувофиқ айрим кредит ташкилотлари фаолиятини ўзгартиришнинг қуйидаги тартиб-таомилларини белгилайди:
Шунингдек, ўз фаолиятини фақат исломий банк фаолиятини амалга оширувчи банкка ўзгартиришга фақат исломий банк фаолиятини амалга оширувчи микромолия банки ҳақли.
Микромолия банкини давлат рўйхатидан ўтказиш ва банк фаолиятига доир тегишли лицензия (лицензиялар) олиш учун ногиронлиги бўлган шахслар учун микромолия банки биноларида шаҳарсозлик нормалари ва қоидаларида белгиланган талабларга мувофиқ қулай шарт-шароитлар яратилганлиги бўйича Қурилиш ва уй-жой коммунал хўжалиги соҳасида назорат қилиш инспекциясининг хулосаси мавжуд бўлиши керак.
Ташаббус Форс кўрфази мамлакатларидан инвестицияларни жалб қилишга қаратилган бўлиб, дастлабки ҳисоб-китобларга кўра, ушбу чора-тадбирларни амалга ошириш иқтисодиётга депозитлар ва тўғридан-тўғри инвестициялар кўринишида тахминан 1 миллиард доллар жалб қилиши мумкин. Мутахассисларнинг прогнозларига кўра, 2035 йилга бориб Ўзбекистон ушбу тизим ишга туширилгандан бери дунёда ислом молиясининг энг тез ўсишини намойиш этади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 