14 Август, 2026, 1 Рабиъул аввал, 1448
14 Август, 2026, 1 Рабиъул аввал, 1448
Имом Бухорий номидаги Тошкент ислом институтида «Май ойи – ҳадис илмлари фан ойлиги» доирасида «Ҳадисларни нотўғри талқин қилишнинг жамиятга салбий таъсири» мавзусида давра суҳбати ташкил этилди.
«Ҳадис ва ислом тарихи фанлари» кафедраси томонидан ташкил этилган ушбу тадбирда Модуль таълим тизими 2-курс талабалари иштирок этди.
Тадбирни кафедра катта ўқитувчиси Баҳодир домла Аъзамов очиб берди. Илмий-маърифий суҳбатда «Мирза Ғолиб» жоме масжиди имом-хатиби Исҳоқжон домла Бегматов маъруза қилиб, ҳадисларни нотўғри тушуниш ва нохолис талқин қилиш жамият барқарорлигига зарар етказиши ҳақида муҳим маълумотларни тақдим этди.
Мулоқот давомида ҳадисларни шарҳлашда доимо асл манбаларга ва мўътабар уламоларнинг асарларига мурожаат қилиш бугунги куннинг долзарб зарурати экани алоҳида таъкидланди.
Учрашув якунида талабалар мавзу доирасида ўзларини қизиқтирган саволларга батафсил жавоб олдилар.
Oliymahad.uz
Ўзбекистон Республикаси давлат мустақиллигининг 35 йиллиги арафасида “Вақф” хайрия жамоат фондининг Жиззах вилояти филиали томонидан хайрия тадбири ташкил этилди.
Вилоятнинг турли ҳудудларидан бўлган боқувчисини йўқотган 35 нафар боланинг хатна тўйи қилиб берилди.
Тадбирда болажонларга велосипед, костюм-шим ва кўйлаклар, ширинликлар қутиси совға қилиниб, байрам дастурхони ёзилди.
Болажонларга қўшилиб, уларнинг яқинлари ҳам қувончдан ташаккур айтиб, ташкилотчилар, Юртбошимиз ҳақларига дуолар қилишди.
Шунингдек, тадбир доирасида ижтимоий ҳимояга муҳтож, боқувчисини йўқотган ҳамда кам таъминланган оилалар фарзандларига эътибор ва ғамхўрлик кўрсатилиб, уларга ҳам ҳадялар улашилди.
Бундай эзгу ташаббуслар жамиятда ўзаро меҳр-оқибат, саховат ва ҳамжиҳатлик муҳитини мустаҳкамлаш, ёш авлод қалбида Ватанга муҳаббат ва инсонпарварлик туйғуларини юксалтиришга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 