Одинахон Муҳаммад Содиқ иштирокида талаба-қизлар учун илмий суҳбат
Имом Бухорий номидаги Тошкент ислом институтида «Май ойи – ҳадис илмлари фан ойлиги» муносабати билан «Ҳадис ва ислом тарихи фанлари» кафедраси томонидан талаба-қизлар иштирокида маърифий учрашув ташкил этилди.
Тадбирга фахрий меҳмон сифатида «Ҳилол-нашр» нашриёти директор ўринбосари, олима Одинахон Муҳаммад Содиқ таклиф этилди.
Одинахон Муҳаммад Содиқ ўз маърузасида ҳозирда тадқиқ қилаётган «Саҳиҳ Бухорий ривоятида аёл ровийларнинг ўрни» мавзусидаги илмий янгиликлар билан ўртоқлашди.
Суҳбат давомида «Саҳиҳул Бухорий» асарининг авлодларга етиб келишида нафақат эркак муҳаддислар, балки аёл ровийларнинг ҳам хизмати беқиёс экани алоҳида таъкидланди. Машҳур аёл ровийлар ҳақидаги маълумотлар ва илмий далиллар тақдимот орқали талабаларга батафсил тушунтирилди.
Тадбир якунида талабалар ўзларини қизиқтирган саволларга жавоб олдилар. Мазмунли ва илмий суҳбат учун Одинахон Муҳаммад Содиққа институт маъмурияти номидан миннатдорчилик билдирилиб, ташаккурнома ва эсдалик совғалари топширилди.
Oliymahad.uz
“Orta Lectura”: Ўзбекистон хавфсиз сайёҳлик йўналиши сифатида ўз мавқеини мустаҳкамламоқда
Испаниянинг “Orta Lectura” нашрида Ўзбекистонда туризм соҳасида амалга оширилаётган ислоҳотларга бағишланган мақола эълон қилинди, деб хабар бермоқда “Дунё” АА.
Мақолада қайд этилишича, сўнгги йилларда Ўзбекистон турли нуфузли халқаро рейтингларда ҳамда хорижий давлатларнинг сайёҳлар учун тавсияларида юқори хавфсизлик даражасига эга мамлакатлардан бири сифатида эътироф этилмоқда.
World Justice Project (WJP) томонидан эълон қилинган “Rule of Law Index 2025” натижаларига кўра, Ўзбекистон “Тартиб ва хавфсизлик” кўрсаткичи бўйича 143 та мамлакат орасида 17-ўринни, Шарқий Европа ва Марказий Осиёдаги 15 та мамлакат орасида эса 1-ўринни эгаллади.
WJP индекси 215 мингдан ортиқ фуқаролар ҳамда 4 минг 100 нафардан зиёд ҳуқуқшунос ва экспертлар ўртасида ўтказилган сўровномаларга асослангани билан аҳамиятлидир.
“Gallup” компаниясининг “2025 Global Safety Report” маърузасида таъкидланишича, Ўзбекистон аҳолисининг 86 фоизи кечаси ёлғиз юрганда ўзини тўлиқ хавфсиз ҳис қилади. Бу кўрсаткич дунё бўйича ўртача 73 фоизлик даражадан сезиларли даражада юқоридир. Шу билан бирга, “Law and Order Index”нинг кенгроқ кўрсаткичи бўйича мамлакатимиз 100 дан 91 балл тўплади.
Institute for Economics & Peace томонидан тузиладиган “Global Peace Index 2026” натижаларига кўра, Ўзбекистон ўз позициясини 30 поғонага яхшилаб, 163 та мамлакат орасида 1,726 кўрсаткич билан 37-ўринга кўтарилди. 2026 йилги расмий ҳисоботда мамлакатимиз тинчлик кўрсаткичлари энг юқори суръатда яхшиланган давлатлар қаторига киритилди.
АҚШ Давлат департаменти “Travel Advisories” тизимида Ўзбекистонга “Level 1 – Exercise Normal Precautions” даражасини, яъни “Одатий эҳтиёт чораларига риоя қилиш” тавсиясини берган. 2026 йил январда янгиланган тавсияномада хавф даражаси оширилмади. Бу АҚШ Давлат департаменти томонидан халқаро саёҳатлар учун белгиланадиган энг паст хавф даражаси ҳисобланади.
Ўзбекистон мусулмонлари идораси Матбуот хизмати
