14 Август, 2026, 1 Рабиъул аввал, 1448
14 Август, 2026, 1 Рабиъул аввал, 1448
Бисмиллаҳир Роҳманир Роҳийм
Эй, замонни айблаб сўкувчи инсон,
Ўйла, ўзингмисан беайб бенуқсон?!
Динингизни теран англашингиз саодатингиз сабабларидан биридир. Чунки динни ўрганиш кўнгилни кенг қилади ва Роббингизни рози этади. Расулуллоҳ соллаллоҳу алайҳи васаллам айтадилар: “Аллоҳ кимга яхшиликни ирода этса уни динда фақиҳ (динни теран англайдиган) қилиб қўяди”.
Шундай экан, динингизни ўргатадиган, илмингизни зиёда қиладиган манфаатли китоб, мақолаларни ўқинг.
Шуни билингки, энг афзал амалларнингиз бу сизнинг Қуръони каримни тушунишга, Расулуллоҳ соллаллоҳу алайҳи васалламнинг ҳадисларини фаҳмлашга қилган ҳаракатингиздир. Кўпроқ улар ҳақида тафаккур қилинг, дугоналарингиз билан шу ҳақида суҳбат қуринг, имкон қадар ёдлашга интилинг, тингланг ва амал қилишга ҳаракат қилинг.
Инсон ўзининг динини яхши билмаслиги қалбдаги зулмат ва кўнгил торлигига олиб боради. Шунинг учун, кичик бўлсада бир кутубхона ташкил этинг ва унга фойдали китобларни йиғиб боринг. Вақтингизни савиясиз қўшиқлар ва сериаллар кўриб зое қилманг, чунки умрингизнинг ҳар бир сонияси ҳисоб-китобли, уни Аллоҳнинг розилиги учун сарф этинг.
Шуъла: Энг қаттиқ қийинчиликлар ҳам ўзига ишонган, дадил инсоннинг табассуми билан осон ва енгил бўлиб қолади.
Доктор Оиз ал-Қарнийнинг
"Дунёдаги энг бахтли аёл" китобидан
Адлия вазирлиги Микромолия ташкилоти ва банк фаолиятини ўзгартириш тартиби тўғрисидаги низомга ўзгартириш ва қўшимчаларни давлат рўйхатидан ўтказди (рўйхат рақами 3656-1, 01.08.2026 й.), хабар бермоқда huquqiyaxborot Telegram канали.
Мазкур идоравий ҳужжат "Ўзбекистон Республикасининг айрим қонун ҳужжатларига Ўзбекистонда исломий банк фаолиятини жорий этишга қаратилган қўшимча ва ўзгартиришлар киритиш тўғрисида" 2026 йил 27 мартдаги ЎРҚ–1126-сон Қонунга мувофиқ айрим кредит ташкилотлари фаолиятини ўзгартиришнинг қуйидаги тартиб-таомилларини белгилайди:
Шунингдек, ўз фаолиятини фақат исломий банк фаолиятини амалга оширувчи банкка ўзгартиришга фақат исломий банк фаолиятини амалга оширувчи микромолия банки ҳақли.
Микромолия банкини давлат рўйхатидан ўтказиш ва банк фаолиятига доир тегишли лицензия (лицензиялар) олиш учун ногиронлиги бўлган шахслар учун микромолия банки биноларида шаҳарсозлик нормалари ва қоидаларида белгиланган талабларга мувофиқ қулай шарт-шароитлар яратилганлиги бўйича Қурилиш ва уй-жой коммунал хўжалиги соҳасида назорат қилиш инспекциясининг хулосаси мавжуд бўлиши керак.
Ташаббус Форс кўрфази мамлакатларидан инвестицияларни жалб қилишга қаратилган бўлиб, дастлабки ҳисоб-китобларга кўра, ушбу чора-тадбирларни амалга ошириш иқтисодиётга депозитлар ва тўғридан-тўғри инвестициялар кўринишида тахминан 1 миллиард доллар жалб қилиши мумкин. Мутахассисларнинг прогнозларига кўра, 2035 йилга бориб Ўзбекистон ушбу тизим ишга туширилгандан бери дунёда ислом молиясининг энг тез ўсишини намойиш этади.
Ўзбекистон мусулмонлари идораси Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 