20 Май, 2026, 2 Зулҳижжа, 1447
20 Май, 2026, 2 Зулҳижжа, 1447
Шу йил 18 май куни Имом Бухорий номидаги Тошкент ислом институти ва Баҳоуддин Нақшбанд илмий-тадқиқот маркази ўртасида ҳамкорлик меморандуми имзоланди.
Мазкур келишувдан кўзланган асосий мақсад — буюк аждодимиз Баҳоуддин Нақшбанд ва нақшбандийлик тариқати алломаларининг бой маънавий меросини, тасаввуф таълимотининг асл инсонпарварлик ғояларини илмий асосда ўрганиш ва кенг тарғиб этишдир.
Учрашувда Тошкент ислом институти ректори Уйғун домла Ғафуров юртимиз алломаларининг илмий мероси бутун ислом олами учун беқиёс аҳамиятга эга эканини таъкидлади.Баҳоуддин Нақшбанд илмий-тадқиқот маркази директори Азизхўжа домла Иноятов ҳам мазкур ҳамкорликдан мамнун эканини билдириб, Тошкент ислом институтини диний таълим муассасалари орасида етакчи даргоҳлардан бири сифатида эътироф этди.
Имзоланган ҳужжатга кўра, томонлар биргаликда китоблар нашр этиш, илмий семинар ва конференциялар ташкил этиш, долзарб илмий мақолалар тайёрлаш ҳамда талабаларнинг битирув ишлари ва магистрлик диссертацияларига устозлик қилиш каби муҳим йўналишларда яқиндан ҳамкорлик қиладилар. Бу шериклик тасаввуфнинг соф илмий асосларини кенг ёйиш ва сохта тариқатчиликнинг олдини олишга хизмат қилади.
Ўзбекистон мусулмонлари идораси
Матбуот хизмати
"Ҳаж – 2026" мавсумини муваффақиятли ташкил этиш, юртдошларимизнинг муқаддас ибодатларини эмин-эркин ва беталафот адо этишларини таъминлаш борасида Ўзбекистон Ишчи гуруҳи томонидан кенг кўламли ишлар амалга оширилди. Ушбу фидокорона хизматлар нафақат зиёратчиларимиз, балки Саудия Арабистонидаги ҳамкор ташкилотлар томонидан ҳам юксак эътироф этилмоқда.
Хусусан, ҳаж мавсумида зиёратчиларга хизмат кўрсатувчи нуфузли "Ар-Рифода" ширкатининг раҳбарияти томонидан Ўзбекистон мусулмонлари идораси ходимлари Камолиддин Маҳкамов ва Муҳаммад Амин Насриевларга алоҳида эҳтиром кўрсатилиб, ташаккурнома билан тақдирланди.
Мазкур юксак мукофот ва эътироф вакилларимизга ҳаж мавсуми давомида юзага келган ташкилий ишларни тезкор ва самарали бартараф этганлари ва юқори даражадаги қулайликларни ҳозирлашдаги фаол хизматлари учун топширилди. «Ар-Рифода» ширкати раҳбарияти юртдошларимизнинг ташкилотчилик қобилияти ва фидоийлигини юқори баҳолаб, келгуси фаолиятларида муваффақиятлар тилади.
Бу каби эътирофлар Ўзбекистон мусулмонлари идораси томонидан Ҳаж ва Умра зиёратларини ташкил этиш сифати йилдан-йилга юксалиб бораётганининг, икки давлат ўртасидаги диний-маърифий алоқалар янги босқичга чиққанининг амалий намунасидир.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 