#xabar #Qashqadaryo #KPI

Қашқадарё вилоятида Ўзбекистон мусулмонлари идораси томонидан жорий этилган KPI баҳолаш тизими доирасида имом-хатиблар учун навбатдаги ўқув машғулотлари ташкил этилди.

 
Машғулотларда меҳнат самарадорлигини баҳолаш мезонларини амалиётга самарали татбиқ этиш, маънавий-маърифий тадбирларни сифатли ташкил этиш, маҳаллабай ишлаш тизимини такомиллаштириш ҳамда ижтимоий кўмакка муҳтож аҳоли қатлами билан манзилли ишлаш юзасидан амалий тавсиялар берилди.

 Шунингдек, KPI тизимидаги ҳар бир кўрсаткичнинг мазмун-моҳияти, ҳисоботларни тўғри юритиш, белгиланган вазифаларни ўз вақтида ва сифатли бажариш масалалари атрофлича муҳокама қилинди. Очиқ мулоқотлар давомида иштирокчиларни қизиқтирган саволларга мутахассислар томонидан батафсил жавоблар берилди.

 Таъкидланганидек, мазкур ўқувлар диний соҳа ходимларининг касбий маҳорати ва амалий кўникмаларини янада ошириш, жойлардаги маънавий-маърифий ишлар самарадорлигини юксалтириш ҳамда KPI баҳолаш тизимида юқори натижаларга эришишга хизмат қилади.

Ўзбекистон мусулмонлари идораси
Қашқадарё вилояти вакиллиги
Матбуот хизмати