Навоий имомларининг сайёр семинари Карманада ўтказилди
Тадбир доирасида Навоий вилояти бош имом-хатиби Темурхон домла Атоев тумандаги «Қосим Шайх» жоме масжидида диний соҳа ходимлари билан йиғилиш ўтказди. Унда ҳудудда фаолият олиб бораётган отинойиларнинг жамиятдаги ўрни ва аҳамиятига алоҳида тўхталиб, улар томонидан амалга оширилаётган маънавий-маърифий ишлар самарадорлиги муҳокама қилинди ҳамда галдаги муҳим вазифалар белгилаб олинди.
Сайёр семинар доирасида вилоят отинойилари ўзларига бириктирилган маҳаллалардаги ижтимоий ҳимояга муҳтож, ногиронлиги бўлган ва кўмакка эҳтиёжманд оилалар хонадонларига кирди. Суҳбатлар давомида фуқароларнинг кўнгли кўтарилиб, диний-маърифий мавзуларда насиҳатлар қилинди ва юрт тинчлиги, хонадонлар осойишталигини сўраб дуолар қилинди.
Хайрия тадбири давомида отинойилар томонидан жами 10 та хонадон эгаларига маънавий қўллаб-қувватлов билан бир қаторда, зарур озиқ-овқат маҳсулотларидан иборат моддий эҳсонлар ҳам топширилди.
Ўзбекистон мусулмонлари идораси
Матбуот хизмати
Тарихни бузиб кўрсатмаслик учун
Вазирлар Маҳкамаси ҳузуридаги Имом Бухорий халқаро илмий-тадқиқот марказида "Ислом маърифати, ҳадис илми ва Имом Бухорий мероси" ўқув курси ўтказилди. Мутахассислар томонидан ёдгорлик мажмуаси гид-экскурсоводлари учун ўтказилган машғулотлар доирасида экскурсия фаолияти билан боғлиқ ҳуқуқий, назарий ва амалий масалалар кўриб чиқилди, хабар бермоқда “Самаркандский вестник” нашри.
- Бу ерга ташриф буюрган ҳар бир зиёратчи фақат ибодат қилиш учун эмас, балки маънавий "озиқ" олиш учун ҳам бориши керак, - дейди Имом Бухорий халқаро илмий-тадқиқот маркази директори Ш.Зиёдов. - Бу ерда фаолият юритаётган гидларнинг малакасини ошириш тизимини йўлга қўяр эканмиз, уларга Имом Бухорийнинг бизга қолдирган меросини, бу мероснинг тарихий манбаларини чуқур ўргатишимиз шарт.
Курс доирасида мажмуага биринчи марта ташриф буюрган меҳмонлар билан мулоқотнинг ўзига хос хусусиятлари муҳокама қилинди. Хорижлик зиёратчиларга нафақат Имом ал-Бухорий ҳаётидаги фактлар ва диний қадриятларимизни етказиш, балки бой маданий меросимизни асраб-авайлаш ва етказиш каби долзарб масалалар кўтарилди.
Гид-экскурсоводлар ҳам ўз тажрибалари билан ўртоқлашиб, келгусидаги ишларни ташкил этиш бўйича таклифлар бердилар. Бу бевосита экскурсияларни ўтказиш пайтида юзага келадиган масалаларни муҳокама қилиш имконини берди.
Курс Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Диний таълим соҳасида кадрлар малакасини ошириш ва қайта тайёрлаш институти, Имом Бухорий халқаро илмий-тадқиқот маркази, вилоят ҳокимлиги ҳамда Имом Бухорий ёдгорлик мажмуасини сақлаш ва унинг атрофини ободонлаштириш департаменти томонидан ташкил этилди.
Тарихий обидалар ва зиёратгоҳлар туризм салоҳиятининг муҳим қисми бўлган Самарқанд вилояти учун малакали мутахассисларни тайёрлаш алоҳида аҳамиятга эга. Меҳмонга ташриф буюриладиган жойнинг тарихи қанчалик тўлиқ ва тушунарли очиб берилиши гиднинг профессионаллигига боғлиқ. Шунинг учун ҳам гид-экскурсоводларнинг малакасини мунтазам ошириб бориш, уларнинг касбий билим ва кўникмаларини такомиллаштириш ҳамда замонавий хизмат кўрсатиш стандартларини жорий этиш Самарқандда туризм хизматлари сифатини оширишда устувор йўналишлардан бири бўлиб қолмоқда.
Ўзбекистон мусулмонлари идораси Матбуот хизмати
- «
- »