Муборак Ҳаж амалларини тўла-тўкис адо этган ўзбекистонлик зиёратчиларни Ватанимизга олиб келиш жараёнлари бошланди. Хусусан, Наманган халқаро аэропортида Саудия Арабистонидан қайтган ҳожиларнинг дастлабки гуруҳлари тантанали равишда кутиб олинди. 
 

"Жидда – Наманган" йўналиши бўйича "Uzbekistan Airways" авиакомпаниясининг замонавий ҳаво лайнерларида Наманган вилоятининг Чортоқ, Поп, Норин ва Тўрақўрғон туманларидан бўлган жами 490 нафар ҳожи эсон-омон она диёримизга етиб келди.

Муборак заминда Ҳақ таолонинг улуғ фарзини чиройли адо этиб, соғ-саломат ўз юртига қайтган зиёратчилар яқинлари дийдорига етишганлари учун чексиз шукроналар айтишмоқда. Ҳожилар сафар давомида кўрсатилган юксак даражадаги ташкилотчилик ва яратилган қулай шароитлардан мамнун эканликларини билдириб, юртимиз тинчлиги, эл-юрт фаровонлиги ҳаққига хайрли дуолар қилишди.

Наманган вилоятига ҳаж зиёратчиларини олиб келувчи навбатдаги рейслар изчил давом этмоқда. 

Ўзбекистон мусулмонлари идораси
Матбуот хизмати