19 Август, 2026, 6 Рабиъул аввал, 1448
19 Август, 2026, 6 Рабиъул аввал, 1448
Имом Термизий халқаро илмий-тадқиқот маркази томонидан Термиз давлат университети талабалари иштирокида марказ фаолияти ва сўнгги йилларда чоп этилган нашрларга бағишланган маънавий-маърифий учрашув ташкил этилди.
Тадбирда университетнинг Хорижий филология факультети профессор-ўқитувчилари ҳамда талабалари иштирок этди. Учрашув давомида Термиздан етишиб чиққан буюк алломаларнинг бой илмий мероси, марказ томонидан амалга оширилаётган илмий-тадқиқот ишлари ва янги нашр этилган китобларнинг ёшлар маънавиятини юксалтиришдаги аҳамияти ҳақида сўз юритилди.
Шунингдек, қатнашчилар марказ кутубхонасида сақланаётган ноёб манбалар, қўлёзмалар, илмий адабиётлар ҳамда сўнгги йилларда чоп этилган янги асарлар билан яқиндан танишдилар.
Тадбир якунида талаба-ёшларни қизиқтирган саволларга соҳа мутахассислари томонидан батафсил жавоб берилди.
Ўзбекистон мусулмонлари идораси
Матбуот хизмати
Ўзбекистон Республикаси давлат мустақиллигининг 35 йиллиги арафасида “Вақф” хайрия жамоат фондининг Жиззах вилояти филиали томонидан хайрия тадбири ташкил этилди.
Вилоятнинг турли ҳудудларидан бўлган боқувчисини йўқотган 35 нафар боланинг хатна тўйи қилиб берилди.
Тадбирда болажонларга велосипед, костюм-шим ва кўйлаклар, ширинликлар қутиси совға қилиниб, байрам дастурхони ёзилди.
Болажонларга қўшилиб, уларнинг яқинлари ҳам қувончдан ташаккур айтиб, ташкилотчилар, Юртбошимиз ҳақларига дуолар қилишди.
Шунингдек, тадбир доирасида ижтимоий ҳимояга муҳтож, боқувчисини йўқотган ҳамда кам таъминланган оилалар фарзандларига эътибор ва ғамхўрлик кўрсатилиб, уларга ҳам ҳадялар улашилди.
Бундай эзгу ташаббуслар жамиятда ўзаро меҳр-оқибат, саховат ва ҳамжиҳатлик муҳитини мустаҳкамлаш, ёш авлод қалбида Ватанга муҳаббат ва инсонпарварлик туйғуларини юксалтиришга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 