13 Август, 2026, 30 Сафар, 1448
13 Август, 2026, 30 Сафар, 1448
Қашқадарё вилоятидаги Хожа Бухорий ўрта махсус ислом таълим муассасасида 32-битирувчи курс талабалари учун бағишланган "Хатмона–2026" тантанали тадбири бўлиб ўтди.
Тадбирда Ўзбекистон мусулмонлари идорасининг Қашқадарё вилояти бош имом-хатиби Раҳматилло домла Усмонов, вилоят ҳокимлиги вакиллари, муассаса раҳбарияти, устозлар ва битирувчилар қатнашди.
Маросимни таълим муассасаси мудири Ўткир Ғузаров очиб, ёшларга илм ва маърифат йўлида собитқадамлик тилади. Шундан сўнг вилоят бош имом-хатиби Раҳматилло домла Усмонов сўзга чиқиб, битирувчиларга илм фазилати, устозга ҳурмат ҳамда динимиз ва халқимиз йўлида сидқидилдан хизмат қилиш масъулияти ҳақида қимматли насиҳатлар қилди.
Тадбир давомида устозлар ва талабаларнинг дилдан суҳбатлари, хотиралари тингланди.
Якунда илм йўлида алоҳида ўрнак кўрсатган битирувчиларга эсдалик совғалари ва ташаккурномалар топширилди.
Тантанали маросим хайрли дуолар билан якунланди.
Хожа Бухорий ислом таълим муассасаси
Матбуот хизмати
Ўзбекистон Республикаси давлат мустақиллигининг 35 йиллиги арафасида “Вақф” хайрия жамоат фондининг Жиззах вилояти филиали томонидан хайрия тадбири ташкил этилди.
Вилоятнинг турли ҳудудларидан бўлган боқувчисини йўқотган 35 нафар боланинг хатна тўйи қилиб берилди.
Тадбирда болажонларга велосипед, костюм-шим ва кўйлаклар, ширинликлар қутиси совға қилиниб, байрам дастурхони ёзилди.
Болажонларга қўшилиб, уларнинг яқинлари ҳам қувончдан ташаккур айтиб, ташкилотчилар, Юртбошимиз ҳақларига дуолар қилишди.
Шунингдек, тадбир доирасида ижтимоий ҳимояга муҳтож, боқувчисини йўқотган ҳамда кам таъминланган оилалар фарзандларига эътибор ва ғамхўрлик кўрсатилиб, уларга ҳам ҳадялар улашилди.
Бундай эзгу ташаббуслар жамиятда ўзаро меҳр-оқибат, саховат ва ҳамжиҳатлик муҳитини мустаҳкамлаш, ёш авлод қалбида Ватанга муҳаббат ва инсонпарварлик туйғуларини юксалтиришга хизмат қилади.
Ўзбекистон мусулмонлари идораси
Матбуот хизмати
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 