Янги Ўзбекистон: иллюзиядан рўшнолик томон
Агар давлат идорасининг эшиги фақат ичкарига, яъни амалдор ҳузурига қараб очилса, остонада кутадиган киши албатта фуқаро бўлади. У аризасини қўлтиқлаб, "Қачон қабул қилар экан?" деб сарғаяди. Бор ҳақиқатни исботлаш учун бир хонадан иккинчи хонага ўтади. Баъзан ўз ҳақини ундиришни марҳамат сўраш билан адаштириб ҳам қўяди.
Агар эшик халқ томонга ҳам очилса-чи? Бундай ҳолатда қанчалик катта ўзгаришлар юз бериши мумкинлигига барчамиз гувоҳ бўлдик.
Президент Шавкат Мирзиёев давлатчилик тафаккурига киритган энг улкан бурилишлардан бири оддий, аммо инқилобий жумла билан шундай ифодаланди: "Халқ давлат идораларига эмас, балки давлат идоралари халққа хизмат қилиши керак"
Абдулҳамид Мухторов,
Ўзбекистон Ёзувчилар уюшмаси аъзоси,
"Зиё" медиа маркази директори
Манба: "Ишонч" газетаси
Газетани юклаб олиш учун
24–29 август кунлари Тошкентда “Ислом цивилизацияси: янги нигоҳ, янги кашфиётлар” мавзусида халқаро медиафорум бўлиб ўтади
24–29 август кунлари Ўзбекистон пойтахтида “Ислом цивилизацияси: янги нигоҳ, янги кашфиётлар” мавзусида халқаро медиафорум ўтказилади, деб хабар бермоқда “Дунё” АА.
Тадбирнинг асосий қисми Ўзбекистондаги Ислом цивилизацияси марказида ўтказилади. Унда хорижий оммавий ахборот воситалари вакиллари, халқаро экспертлар ва медиа соҳаси мутахассислари жам бўлади.
Форум дастуридан тантанали очилиш маросими, ялпи мажлислар, мавзуга оид медиа-кўргазмалар, матбуот анжуманлари ва икки томонлама учрашувлар ўрин олган. Шўба йиғилишлари доирасида ҳужжатли кино ва тарихий хотира, нашриёт лойиҳалари, замонавий технологиялар, шунингдек, медиа соҳасидаги халқаро лойиҳаларни ривожлантириш масалалари муҳокама қилинади.
Бундан ташқари, Ўзбекистон талабалари учун жаҳон медиа саноатининг етакчи мутахассислари иштирокида маҳорат дарслари ташкил этилади. Иштирокчилар замонавий журналистика, медиа маҳсулотлар яратиш ва халқаро ахборот маконида самарали фаолият юритиш борасида тажриба алмашади.
27 август куни форум қатнашчилари учун Самарқанд шаҳрига саёҳат уюштирилади. Дастур доирасида меҳмонлар Имом Бухорий мажмуасини зиёрат қилади ва шаҳарнинг тарихий-маданий мероси билан танишади. Шунингдек, Тошкент шаҳрида хорижий ОАВ вакиллари учун махсус медиа-тур ўтказилиши режалаштирилган.
Форум 28 август куни якуний ялпи мажлис ва тантанали ёпилиш маросими билан ўз ишини якунлайди. Хорижлик меҳмонлар, Ўзбекистон давлат мустақиллигининг 35 йиллигига бағишланган тадбирларда ҳам иштирок этади.
Ўзбекистон мусулмонлари идораси Матбуот хизмати
