12 Август, 2026, 29 Сафар, 1448
12 Август, 2026, 29 Сафар, 1448
Хорижда истиқомат қилаётган ҳамюртларимизнинг диний савол-жавобларга бўлган эҳтиёжларини енгиллаштириш мақсадида Ўзбекистон мусулмонлари идораси Фатво маркази томонидан масофавий мурожаат хизмати янада такомиллаштирилди.
Эндиликда мусофирдаги ватандошларимиз учун махсус @fatvouz_musofir_bot телеграм боти ишга туширилди!
Саволингизни ёзинг — бот бой фатволар базасидан сизни қизиқтирган саволга зудлик билан жавоб топиб беради.
Агар базадан керакли жавоб топилмаса, саволингизни уламоларга ёзма равишда юбориб, тез ва муфассал жавоб олишингиз мумкин.
Зарурат туғилганда, Фатво маркази мутахассислари билан бевосита қўнғироқ орқали боғланиш имконияти мавжуд.
Мусофир юртдошларимиз учун ишончли диний манба:
Дўстларингиз ва яқинларингизга ҳам улашинг!
Ўзбекистон мусулмонлари идораси
Матбуот хизмати
Ўзбекистон мусулмонлари идораси раиси Шайх Нуриддин Холиқназар ташаббуслари билан Ўзбекистон Республикаси Мустақиллигининг 35 йиллиги муносабати билан Қорақалпоғистон мусулмонлари қозияти ва қозиётга қарашли барча масжид имом-хатиблари томонидан нуроний кексалар, меҳнат фахрийлари ҳамда ёрдамга муҳтож оилаларнинг ҳолидан хабар олинди. Тадбир доирасида муҳтож оилаларнинг турмушини енгиллаштириш мақсадида бир оилага замонавий қуёш панели ўрнатиб берилиб, қўшимча байрам совғалари топширилди. Бундай хайрия ташаббуслари жамиятда ўзаро аҳиллик, меҳр-оқибат ва инсон қадрини улуғлаш муҳитини янада мустаҳкамлашга хизмат қилади.
Қорақалпоғистон мусулмонлари қозиёти
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 