Сайт тест ҳолатида ишламоқда!
10 Ноябр, 2026   |   30 Жумадул аввал, 1448

Тошкент шаҳри
Бомдод
05:44
Қуёш
07:05
Пешин
12:12
Аср
15:27
Шом
17:11
Хуфтон
18:27
Bismillah
10 Ноябр, 2026, 30 Жумадул аввал, 1448

“Вақф” хайрия жамоат фонди вакили Индонезия элчиси билан учрашди

07.10.2026   67576   1 min.
“Вақф” хайрия жамоат фонди вакили Индонезия элчиси билан учрашди

Пойтахтимиздаги Hyatt Regency Tashkent меҳмонхонасида Индонезия Республикасининг Ўзбекистондаги элчихонаси томонидан Индонезия мустақиллигининг 81 йиллиги муносабати билан тантанали тадбир ташкил этилди.

Тадбирни Индонезия Республикасининг Ўзбекистондаги Фавқулодда ва Мухтор элчиси Сити Руҳаъини Жуҳаъятин хоним ҳамда Ўзбекистон Республикаси Инвестициялар, саноат ва савдо вазири Лазиз Қудратов очиб берди.

Тадбирда дипломатик корпус вакиллари, давлат органлари, ишбилармон доиралар ҳамда жамоат ташкилотлари вакиллари иштирок этиб, Индонезия халқи учун муҳим бўлган ушбу санани нишонлади. Ўзбекистон ва Индонезия ўртасидаги дўстона муносабатларни алоҳида қайд этиб ўтишди.

Ушбу тадбирда Ўзбекистон мусулмонлари идораси номидан раис ўринбосари, “Вақф” хайрия жамоат фонди раҳбари Зайниддин домла Эшонқулов ҳам иштирок этиб, элчини истиқлол байрами билан муборакбод этди. Ўзаро суҳбат жараёнида Индонезия Диёнат вазирлиги ва Ўзбекистон мусулмонлари идораси ўртасида ҳамкорликни ривожлантириш, икки давлатнинг вақф фондлари алоқаларини йўлга қўйиш бўйича музокаралар бўлиб ўтди.

Ўзбекистон мусулмонлари идораси Матбуот хизмати

 

Бошқа мақолалар
Янгиликлар

Ҳисобсиз ажр

10.11.2026   909   1 min.
Ҳисобсиз ажр

Қуръони каримда истиғфор айтишга амр қилинган: “Ўзингнинг, мўминларнинг ва мўминаларнинг гуноҳлари мағфират қилинишини сўра” (Муҳаммад сураси, 19-оят).

 
Расулуллоҳ соллаллоҳу алайҳи ва саллам бундай марҳамат қилганлар: “Ким мўмин ва мўминалар учун истиғфор айтса, Аллоҳ таоло ҳар бир мўмин ва мўмина (ададича) унга яхшилик ёзади” (Имом Табароний ривояти).


Ҳадиси шариф барча мусулмонлар учун истиғфор айтиш буюк фазилат экани, уни бажарган кишига Аллоҳ таоло бу оламда яшаб ўтган жамики мўмин ва мўминалар сонича яхшилик (савоб) ёзиши хабар қилинмоқда. Бу эса ҳисобсиз ажрга эришиш учун ажойиб имконият.


Қуйидагича истиғфор айтиш матлубдир:

“Аллоҳуммағфир лил муъминийна вал муъминат, ал-аҳйаи минҳум вал амваат”.


Маъноси: “Ё Аллоҳ, ҳаёт бўлган ва оламдан ўтган мўмин ва мўминаларни мағфират қил”.


Раҳмат сўраб дуо қилиш:

“Аллоҳуммарҳамил муъминийна вал муъминат”.


Маъноси: “Ё Аллоҳ, мўмин ва мўминаларга Ўзинг раҳм қил”.

Юлдуз КОМИЛОВА, 
таржимаси

“Ҳидоят” журналининг 2026 йил 5-сонидан

http://hidoyatuz.taplink.ws

Ўзбекистон янгиликлари