Баҳрайн "келажак масжиди" лойиҳасини ишлаб чиқди
Баҳрайн расмийлари ислом меъморчилигини қайта кўриб чиқиб, янги масжид лойиҳасини маъқуллади. Унга кўра, ушбу масжид футуристик услубда барпо этилади, деб ёзади IslamNews.
Лойиҳа меъмори Али Каримийнинг сўзларига кўра, қурилиш қиймати тахминан 700 000 Баҳрайн динорини ташкил этиб, лойиҳа қиймати худди шундай катталикдаги масжидлардан 10-20 фоизга арзон. Чунки масжид гумбази қуёш нурларини яхши ўтказадиган қилиб бунёд этилмоқда. Бу хонақоҳни ёруғ бўлишига хизмат қилиши баробарида электр энергияни тежаш имконини беради. Бундай услуб масжид қурилишида кенг қўлланилмоқда. Шунингдек, масжид лойиҳасида бир қанча янгиликлар қилинганки, бу намозхонлар учун қулайлик яратади.
Ўзбекистон мусулмонлари идораси Матбуот хизмати
«Қуръон тинчликка буюради»
Ўзбекистон давлат мустақиллигининг 35 йиллиги муносабати билан «Қуръон тинчликка буюради» шиори остида Самарқанд шаҳридаги "Оби Раҳмат" жоме масжидида Қуръон мусобақаси ташкил этилди. Қуръони каримга бўлган муҳаббатни юксалтириш, қироат ва тажвид илмларини кенг тарғиб этиш ҳамда жамиятда тинчлик ва осойишталик ғояларини мустаҳкамлашга хизмат қилувчи ушбу хайрли тадбирнинг саралаш босқичларидан ўтган иштирокчилар «Ҳифз» ва «Мужаввид» йўналишлари бўйича беллашди.
Ғолиб ва совриндорлар:
«Ҳифз» йўналиши:
1-ўрин: Асқар Турсунов (Самарқанд шаҳри, «Муҳаммадамин ота» масжиди имом-ноиби);
2-ўрин: Абдувакил Олимов (Ургут тумани, «Ғавсул Аъзам» масжиди имом-хатиби);
3-ўрин: Шавкат Маҳмудов (Нарпай тумани, «Сўфи Зийрак» масжиди имом-хатиби).
«Мужаввид» йўналиши:
1-ўрин: Зикрулло Матлабов (Самарқанд шаҳри, «Хўжа Абду Дарун» масжиди имом-ноиби);
2-ўрин: Бурхониддин Турсунов (Нуробод тумани, «Жом ота» масжиди имом-хатиби);
3-ўрин: Исомиддин Исаев (Пахтачи тумани, «Хўжа Зиёвуддин» масжиди имом-хатиби).
Қўшимча номинациялар:
«Энг таъсирчан тиловат»: Ўткир Абдуллаев (Пастдарғом тумани);
«Энг гўзал тиловат»: Сардорхон Собиров (Самарқанд тумани);
«Тажвид қоидаларига энг мукаммал риоя қилган иштирокчи»: Юсуфхон Низомов (Самарқанд шаҳри).
Тадбир якунида ғолибларга Ўзбекистон мусулмонлари идораси вилоят вакиллигининг дипломлари ва «Вақф» фонди филиали томонидан қимматбаҳо совғалар топширилди.
Ўзбекистон мусулмонлари идораси
Матбуот хизмати
